ನವದೆಹಲಿ: ಫಾರ್ಮುಲ್ ಒನ್ ವಿಶ್ವ ಚಾಂಪಿಯನ್ ಮರ್ಸಿಡಿಸ್ ತಂಡದ ಜರ್ಮನ್ ಚಾಲಕ ನಿಕೋ ರಾಸ್ಬರ್ಗ್ ಹಠಾತ್ ನಿವೃತ್ತಿ ಘೋಷಿಸಿದ್ದಾರೆ.
ನಿವೃತ್ತಿ ಬಗ್ಗೆ ನಿಕೋ ರಾಸ್ಬರ್ಗ್ ತಮ್ಮ ಫೇಸ್ ಬುಕ್ ಪುಟದಲ್ಲಿ ಸ್ಪಷ್ಟಪಡಿಸಿದ್ದು ರೇಸ್ ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದೆ. 31 ವರ್ಷದ ರಾಸ್ಬರ್ಗ್ 2016 ಮರ್ಸಿಡಿಸ್ ತಂಡದಲ್ಲಿ ವಿಶ್ವಚಾಂಪಿಯನ್ ಆಗಿ ಹೊರ ಹೊಮ್ಮಿದ್ದರು.
2006ರಲ್ಲಿ ಬಹ್ರೇನ್ ಗ್ರ್ಯಾನ್ ಪ್ರಿಕ್ಸ್ ಮೂಲಕ ಎಫ್-1 ರೇಸ್ ಗೆ ಪಾದಾರ್ಪಣೆ ಮಾಡಿದ್ದ ರಾಸ್ಬರ್ಗ್ ಕಳೆದ ಭಾನುವಾರ ಅಬುಧಾಬಿಯಲ್ಲಿ ನಡೆದ ಗ್ರ್ಯಾನ್ ಪ್ರೀ ಅವರ ಕೊನೆಯ ರೇಸ್ ಆಗಿದ್ದು, ಇಲ್ಲಿ ಎರಡನೇ ಸ್ಥಾನ ಪಡೆದಿದ್ದರು. ರಾಸ್ಬರ್ಗ್ ಒಟ್ಟು 23 ಗ್ರ್ಯಾನ್ ಪ್ರೀನಲ್ಲಿ ಜಯ ಸಾಧಿಸಿದ್ದಾರೆ.
