ರಾಂಚಿ: ಶಿಖರ್ ಧವನ್ ಆಕರ್ಷಕ ಅರ್ಧ ಶತಕ ಹಾಗೂ ಆರ್. ಅಶ್ವಿನ್ ಬೌಲಿಂಗ್ ದಾಳಿಗೆ ತತ್ತರಿಸಿದ ಶ್ರೀಲಂಕಾ ಟಿ20 ಸರಣಿಯ ಎರಡನೇ ಪಂದ್ಯದಲ್ಲಿ 69 ರನ್ ಗಳಿಂದ ಸೋಲು ಅನುಭವಿಸಿದೆ.
ಜೆಎಸ್ಸಿಎ ಅಂತಾರಾಷ್ಟ್ರೀಯ ಕ್ರೀಡಾ ಸಂಕೀರ್ಣದಲ್ಲಿ ನಡೆದ ನಿರ್ಣಾಯಕ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಭಾರತ ಬೃಹತ್ ಮೊತ್ತ ಕಲೆ ಹಾಕಿತು. ನಿಗದಿತ ಓವರ್ ನಲ್ಲಿ ಭಾರತ 196 ರನ್ ಗಳಿಸಿತು. 197 ರನ್ ಗಳ ಬೃಹತ್ ಮೊತ್ತವನ್ನು ಬೆನ್ನಟ್ಟಿದ ಶ್ರೀಲಂಕಾ ನಿಗದಿತ ಓವರ್ ನಲ್ಲಿ 9 ವಿಕೆಟ್ ನಷ್ಟಕ್ಕೆ 127 ರನ್ ಗಳಿಸಲಷ್ಟೇ ಸಾಧ್ಯವಾಯಿತು.
ಭಾರತ ಪರ ರೋಹಿತ್ ಶರ್ಮಾ 43, ಶಿಖರ್ ಧವನ್ 51, ರಹಾನೆ 25, ಸುರೇಶ್ ರೈನಾ 30, ಹಾರ್ದಿಕ್ ಪಾಂಡ್ಯಾ 27, ಯುವರಾಜ್ ಸಿಂಗ್ 0 ಗಳಿಸಿ ಔಟಾದರೆ, ಧೋನಿ ಅಜೇಯ 9 ಹಾಗೂ ರವೀಂದ್ರ ಜಡೇಜಾ 1 ರನ್ ಗಳಿಸಿದ್ದಾರೆ.
ಲಂಕಾ ಪರ ತಿಸ್ಸಾರ ಪೆರೆರಾ 3, ಚಮೀರಾ 2, ಸೇನಾನಾಯಕೆ 1 ವಿಕೆಟ್ ಪಡೆದಿದ್ದಾರೆ.
ಶ್ರೀಲಂಕಾ ಪರ ಗುಣತಿಲಕ 2, ದಿಲ್ಶಾನ್ 0, ಸೀಕುಗೆ ಪ್ರಸನ್ನ 1, ಚಂಡೀಮಲ್ 31, ಕಪುಗೇದೆರಾ 32, ದಸುನ್ ಶನಕಾ 27, ತಿಸಾರಾ ಪೆರೇರಾ 0, ಸೇನಾನಾಯಕೆ 0, ಚಮೀರಾ 0, ಸಿರವರ್ದೆನಾ ಅಜೇಯ 28 ಹಾಗೂ ಕಸುನ್ ರಚಿತಾ 3 ರನ್ ಗಳಿಸಿದ್ದಾರೆ.
ಭಾರತ ಪರ ಆರ್ ಅಶ್ವಿನ್ 3, ಆಶಿಶ್ ನೆಹ್ರಾ, ರವೀಂದ್ರ ಜಡೇಜಾ ಬೂಮ್ರಾ ತಲಾ 2 ವಿಕೆಟ್ ಪಡೆದಿದ್ದಾರೆ.
