ಫುಟ್ಬಾಲ್ ವಿಶ್ವಕಪ್; ಬೀದಿಗಳಲ್ಲಿ ಮತ್ತು ಸಾರ್ವಜನಿಕ ಪ್ರದೇಶಗಳಲ್ಲಿ ಮದ್ಯ ನಿಷೇಧ: ಕತಾರ್
2022 ರ ಫುಟ್ಬಾಲ್ ವಿಶ್ವಕಪ್ ಪಂದ್ಯಗಳ ವೇಳೆ ಬೀದಿಗಳಲ್ಲಿ ಮತ್ತು ಸಾರ್ವಜನಿಕ ಪ್ರದೇಶಗಳಲ್ಲಿ ಮತ್ತು ಚರ್ಚೆಯಲ್ಲಿರುವಂತೆ ಮೈದಾನದಲ್ಲಿಯೂ ಮದ್ಯಪಾನ ನಿಷೇಧಿಸಲಾಗಿರುತ್ತದೆ ಎಂದು ಮಂಗಳವಾರ
ದೋಹಾ: 2022 ರ ಫುಟ್ಬಾಲ್ ವಿಶ್ವಕಪ್ ಪಂದ್ಯಗಳ ವೇಳೆ ಬೀದಿಗಳಲ್ಲಿ ಮತ್ತು ಸಾರ್ವಜನಿಕ ಪ್ರದೇಶಗಳಲ್ಲಿ ಮತ್ತು ಚರ್ಚೆಯಲ್ಲಿರುವಂತೆ ಮೈದಾನದಲ್ಲಿಯೂ ಮದ್ಯಪಾನ ನಿಷೇಧಿಸಲಾಗಿರುತ್ತದೆ ಎಂದು ಮಂಗಳವಾರ ದೇಶದಲ್ಲಿ ಈ ಸರಣಿಯನ್ನು ಆಯೋಜಿಸುತ್ತಿರುವ ಸಮಿತಿ ತಿಳಿಸಿದೆ.
ಕತಾರ್ ನಲ್ಲಿ ಬೇಸಿಗೆಯಲ್ಲಿ ಬಹಳ ತಾಪಮಾನವಿದ್ದು ಇದು ಚಳಿಗಾಲಕ್ಕೆ ಮುಂದೂಡಿರುವುದರಿಂದ ಈಗಾಗಲೇ ಬೇಸರದಲ್ಲಿರುವ ಫುಟ್ಬಾಲ್ ಅಭಿಮಾನಿಗಳಿಗೆ ಹಸನ್ ಅಲ್-ತವಾದಿ ಪ್ರತಿಕ್ರಿಯೆಗಳು ಇನ್ನಷ್ಟು ಬೇಸರ ಮೂಡಿಸಿವೆ.
"ಬೀದಿಗಳಲ್ಲಿ, ಸಾರ್ವಜನಿಕ ಪ್ರದೇಶಗಳಲ್ಲಿ ಮದ್ಯ ನಿಷೇಧಿಸಲಾಗಿರುತ್ತದೆ. ಇದು ಅಂತಿಮ" ಎಂದು ಪತ್ರಿಕೆಯೊಂದಕ್ಕೆ ಸಮಿತಿಯ ಅಧಿಕಾರಿ ಅಲ್-ತವಾದಿ ಹೇಳಿದ್ದಾರೆ,
"ನಾವು ಆಟದ ಮೈದಾನಗಳಲ್ಲಿಯೂ ಮದ್ಯಪಾನದ ಅವಕಾಶಕ್ಕೆ ವಿರುದ್ಧವಾಗಿದ್ದೇವೆ. ಸಂಪೂರ್ಣ ನಿಷೇಧ ಇರುವುದಿಲ್ಲ. ದೂರದ ಪ್ರದೇಶಗಳಲ್ಲಿ ಮದ್ಯಪಾನಕ್ಕೆ ಅವಕಾಶ ಮಾಡಿಕೊಡಲಾಗುವುದು" ಎಂದು ಅವರು ಹೇಳಿದ್ದಾರೆ.
ಕತಾರ್ ನಲ್ಲಿ ಮದ್ಯಪಾನ ಕಾನೂನು ಬಾಹಿರವಾಗಿದ್ದು, ಕೆಲವು ಹೋಟೆಲ್ ಗಳಲ್ಲಿ ಮಾತ್ರ ಸೇವಿಸಬಹುದಾಗಿದೆ.
ಇದು ಫುಟ್ಬಾಲ್ ಆಡಳಿತಾತ್ಮಕ ಸಂಸ್ಥೆ ಫಿಫಾ ಮತ್ತು ಪ್ರಾಯೋಜಕರಾದ ಬಿಯರ್ ಮಾರಾಟ ಸಂಸ್ಥೆ ಬಡ್ ವೈಸರ್ ಜೊತೆಗೆ ತೊಂದರೆಗಳನ್ನು ತಂದೊಡ್ಡಲಿದೆ ಎನ್ನಲಾಗಿದೆ.
