ಅಮೋಘ ಪ್ರದರ್ಶನ ಮುಂದುವರಿಸಿರುವ ಭಾರತದ ಸಾತ್ವಿಕ್ ಸಾಯಿರಾಜ್ ರಂಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ 2014 ರ ವಿಶ್ವ ಚಾಂಪಿಯನ್ ಕೋ ಸುಂಗ್ ಹ್ಯುನ್ / ಶಿನ್ ಬೇಕ್ ಚಿಯೋಲ್ ಅವರನ್ನು....
ಬ್ಯಾಂಕಾಕ್: ಅಮೋಘ ಪ್ರದರ್ಶನ ಮುಂದುವರಿಸಿರುವ ಭಾರತದ ಸಾತ್ವಿಕ್ ಸಾಯಿರಾಜ್ ರಂಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ 2014 ರ ವಿಶ್ವ ಚಾಂಪಿಯನ್ ಕೋ ಸುಂಗ್ ಹ್ಯುನ್ / ಶಿನ್ ಬೇಕ್ ಚಿಯೋಲ್ ಅವರನ್ನು ಪರಾಭವಗೊಳಿಸಿ ಥಾಯ್ಲೆಂಡ್ ಮುಕ್ತ ಬ್ಯಾಡ್ಮಿಂಟನ್ ಪಂದ್ಯಾವಳಿಯ ಪುರುಷರ ಡಬಲ್ಸ್ ಫೈನಲ್ ಪ್ರವೇಶಿಸಿದ್ದಾರೆ.
ಭಾರತೀಯ ಜೋಡಿ ಮೊದಲ ಪಂದ್ಯವನ್ನು 22-20ರಿಂದ ಗೆದ್ದುಕೊಂಡಿದ್ದರೆ ಆದರೆ ಎಅರ್ಡನೇ ಸುತ್ತಿನಲ್ಲಿ ಕೊರಿಯನ್ ಜೋಡಿ 24-22ಸೆಟ್ ಗಳಿಂದ ಗೆದ್ದು ಸಮಬಲ ಸಾಧಿಸಿತ್ತು. ಆದರೆ ಮೂರನೇ ಸುತ್ತಿನಲ್ಲಿ ಭಾರತದ ಜೋಡಿ ಎದುರಾಳಿಗಳಿಗೆ ತೀವ್ರ ಸ್ಪರ್ಧೆಯೊಡ್ಡಿ 21-9 ರಲ್ಲಿ ಕಟ್ಟಿಹಾಕಿತ್ತು.
ಫೈನಲ್ ಪಂದ್ಯವು ಭಾನುವಾರ ನಡೆಯಲಿದ್ದು ಭಾರತೀಯ ಜೋಡಿ ಚೀನಾ ಜೋಡಿಯಾದ ಲಿ ಜುನ್ ಹುಯಿ ಮತ್ತು ಲಿಯು ಯು ಚೆನ್ ಅವರನ್ನು ಎದುರಿಸಲಿದೆ.
