ರಿಯೊ ಒಲಿಂಪಿಕ್ಸ್ ನಲ್ಲಿ ಬೆಳ್ಳಿ ಸಾಧನೆ ಮಾಡಿರುವ ಪಿ.ವಿ.ಸಿಂಧು ಅವರು ಮಿಯೊ ವಿರುದ್ಧ ಆಡಿದ ಮೂರೂ ಪಂದ್ಯಗಳಲ್ಲಿ ಜಯ ಸಾಧಿಸಿದ್ದಾರೆ. ಸಿಂಧು ಕ್ವಾರ್ಟರ್ ಫೈನಲ್ಸ್ ನಲ್ಲಿ ಜಪಾನ್ ನ ನೋಜೊಮಿ ಓಕೊಹಾರ ವಿರುದ್ಧ ಕಾದಾಟ ನಡೆಸಲಿದ್ದಾರೆ. ಈ ಇಬ್ಬರು ಸ್ಟಾರ್ ಆಟಗಾರ್ತಿಯರು ಈ ಹಿಂದೆ 14 ಬಾರಿ ಮುಖಾಮುಖಿಯಾಗಿದ್ದು, ತಲಾ ಏಳು ಜಯ ಸಾಧಿಸಿದ್ದಾರೆ. ಸಿಂಗಾಪುರ್ ಓಪನ್ ನಲ್ಲಿ ಓಕೋಹಾರ ವಿರುದ್ಧ ಸೋಲು ಕಂಡಿದ್ದ ಸಿಂಧು, ವರ್ಲ್ಡ್ ಟೂರ್ ಫೈನಲ್ಸ್ ಹಾಗೂ ವಿಶ್ವ ಚಾಂಪಿಯನ್ ಶಿಪ್ ನಲ್ಲಿ ಜಯ ಸಾಧಿಸಿದ್ದರು.
