ಭೀಕರ ಅಪಘಾತದಲ್ಲಿ ಆರು ಬಾರಿ ಚಾಂಪಿಯನ್ ರೇಸರ್ ಮಾರ್ಕ್ವೆಜ್ ಬಲಗೈ ಮುರಿತ

ಜೆರೆಜ್ ಡೆ ಲಾ ಫ್ರಾಂಟೆರಾ(ಸ್ಪೇನ್): ಆರು ಬಾರಿಯ ಹಾಲಿ ಮೋಟೋ ಗ್ರ್ಯಾನ್ ಪ್ರಿ ಚಾಂಪಿಯನ್ ಮಾರ್ಕ್ ಮಾರ್ಕ್ವೆಜ್, ಸ್ಪ್ಯಾನಿಷ್ ಗ್ರ್ಯಾನ್ ಪ್ರಿ ರೇಸ್ ನಲ್ಲಿ ಸಂಭವಿಸಿದ ಅಪಘಾತದಲ್ಲಿ ಬಲಗೈ ಮುರಿದುಕೊಂಡಿದ್ದಾರೆ.

ಅಪಘಾತದಲ್ಲಿ ಮಾರ್ಕ್ವೆಜ್ ಬಲಗೈ ಮುರಿತಕ್ಕೆ ಒಳಗಾಗಿದ್ದಾರೆ ಎಂದು ಮಾರ್ಕ್ವೆಜ್ ಅವರ ಹೋಂಡಾ ತಂಡ ಭಾನುವಾರ ಹೇಳಿದೆ. ಜತೆಗೆ ಬಾರ್ಸಿಲೋನಾದಲ್ಲಿ ಮಂಗಳವಾರ ಶಸ್ತ್ರಚಿಕಿತ್ಸೆಗೆ ಒಳಗಾಗುವ ನಿರೀಕ್ಷೆಯಿದೆ ಎಂದು ತಿಳಿಸಿದೆ. 

27 ವರ್ಷದ ಮಾರ್ಕ್ವೆಜ್ ಮತ್ತೆ 12 ಗಂಟೆಗಳ ಕಾಲ ವೀಕ್ಷಣೆಯಲ್ಲಿರುತ್ತಾರೆ. ಆದರೆ ಯಾವುದೇ ಗಂಭೀರ ಅಥವಾ ಎದೆಭಾಗದಲ್ಲಿ ಗಾಯಗಳಾಗಿರುವುದು ಕಂಡು ಬಂದಿಲ್ಲ ಎಂದು ತಂಡ ತಿಳಿಸಿದೆ.