ಲಂಡನ್: ಆರು ಬಾರಿ ಗ್ರಾಂಡ್ ಸ್ಲಾಮ್ ಚಾಂಪಿಯನ್ ಸಾನಿಯಾ ಮಿರ್ಜಾ 'ಡ್ಯಾನ್ಸ್ ವಿಡಿಯೋ' ಇಂಟರ್ ನೆಟ್ ನಲ್ಲಿ ಸಖತ್ ವೈರಲ್ ಆಗಿದ್ದು, ವಿಶ್ವದಾದ್ಯಂತ ಸಾವಿರಾರು ಅಭಿಮಾನಿಗಳು ಇಷ್ಟಪಟಿದ್ದಾರೆ.
ಅಮೆರಿಕದ ರಾಪರ್ ಡೊಜಾ ಕ್ಯಾಟ್ ಅವರ 'ಕಿಸ್ ಮಿ ಮೊರ್ ' ಗೀತೆಗೆ ಸಾನಿಯಾ ಮಿರ್ಜಾ ಸಖತ್ ಸ್ಟೆಪ್ ಹಾಕಿದ್ದಾರೆ. ಈ ವಿಡಿಯೋವನ್ನು ಇನ್ಸ್ಟಾಗ್ರಾಮ್ ನಲ್ಲಿ ಅವರು ಹಂಚಿಕೊಂಡಿದ್ದಾರೆ.
ನನ್ನ ಹೆಸರಿನಲ್ಲಿರುವ 'ಎ' ನನ್ನ ಜೀವನದಲ್ಲಿ ತುಂಬಾ ಪ್ರಮುಖವಾದದ್ದು ಎಂದು ಬರೆದು ಡ್ಯಾನ್ಸ್ ವಿಡಿಯೋವನ್ನು ಫೋಸ್ಟ್ ಮಾಡಿದ್ದಾರೆ. ನಂತರ ಆಕೆಯ ಹೆಸರಿನಲ್ಲಿರುವ ಎ ಆಕ್ರಮಣಶೀಲತೆ, ಮಹತ್ವಾಕಾಂಕ್ಷೆ, ಸಾಧನೆ ಮತ್ತು ವಾತ್ಸಲ್ಯದ ಮೇಲೆ ನಿಂತಿದೆ ಎಂಬುದನ್ನು ವಿವರಿಸಿದ್ದಾರೆ. ಈ ವಿಡಿಯೋಗೆ ಇದೀಗ 135,937 ಮಂದಿ ಲೈಕ್ ಮಾಡಿದ್ದು, 695 ಕಾಮೆಂಟ್ ಬಂದಿವೆ.
ಖ್ಯಾತ ಸಂಗೀತಗಾರ ಎಆರ್ ರೆಹಮಾನ್, ಗಾಯಕಿ ಅನನ್ಯ ಬಿರ್ಲಾ ಸೇರಿದಂತೆ ಹಲವು ಮಂದಿ ಈ ವಿಡಿಯೋ ಲೈಕ್ ಮಾಡಿದ್ದು, ಸಾನಿಯಾ ಮಿರ್ಜಾ ಅವರಿಗೆ ಶುಭ ಕೋರಿದ್ದಾರೆ.
Advertisement