ಮುಂಬೈ: ಸೆಪ್ಟಂಬರ್ ಮತ್ತು ಅಕ್ಟೋಬರ್ ನಲ್ಲಿ ನಡೆಯಲಿರುವ ಬಿಹಾರ ವಿಧಾನಸಭಾ ಚುನಾವಣೆಗಳ ಪ್ರಚಾರಕ್ಕಾಗಿ ಪುಣೆಯಿಂದ ಐಶಾರಾಮಿ ಮಿನಿಬಸ್ಸೊಂದನ್ನು ಬಿಹಾರ ಮುಖ್ಯಮಮಂತ್ರಿ ನಿತೀಶ್ ಕುಮಾರ್ ಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.
ಮೂಲಗಳ ಪ್ರಕಾರ ಪುಣೆ ಮೂಲದ ಖ್ಯಾತ ವಾಹನ ವಿನ್ಯಾಸಗಾರ ದಿಲೀಪ್ ಛಾಬ್ರಿಯಾ ನಡೆಸುವ ಡಿಸಿ ವಿನ್ಯಾಸ ಸಂಸ್ಥೆ ಈ ವ್ಯಾನಿಗೆ ಹೊಸ ನೋಟ ನೀಡಿದೆ. ಇದು ಮಂಗಳವಾರ ನಿತೀಶ್ ಕುಮಾರ ಅವರನ್ನು ತಲುಪಲು ಹೊರಟಿದೆ.
ಇದರ ಒಳಾಂಗಣ ವಿನ್ಯಾಸ ಮಾಡಿರುವ ಮೂಲಗಳ ಪ್ರಕಾರ ಇದು ಐಶಾರಾಮಿ ಮತ್ತು ಅತ್ಯಾಧುನಿಕವಾದದ್ದು ಮತ್ತು ಇದನ್ನು ಕಚೇರಿಯಾಗಿ ಯಾವಾಗ ಬೇಕಾದರೂ ಬದಲಾಯಿಸಿಕೊಳ್ಳುವ ಸಾದ್ಯತೆ ಇದೆ ಎಂದಿದ್ದಾರೆ. ಈ ಮಿನಿಬಸ್ಸಿನ ಹೆಸರು ಡಿಸಿ ಲಾಂಜ್ ಇಸುಜು ೪೫೦ಡಬ್ಲ್ಯುಬಿ
"ಬಸ್ಸಿನ ಒಳಗೆ ಮಡಚಿಡಬಹುದಾದ ಆಸನಗಳನ್ನು ಹೊಂದಿದ್ದು ಅಗತ್ಯಕ್ಕೆ ತಕ್ಕಂತೆ ಹೆಚ್ಚಿನ ಜಾಗ ದೊರೆಯುವಂತೆ ಮಾಡುತ್ತದೆ. ಟಿವಿ, ರೆಫ್ರಿಜರೇಟರ್, ಶಯ್ಯಾಗೃಹ, ಸಟಲ್ಲೈಟ್ ಫೋನ್ ಹೀಗೆ ಸುಸಜ್ಜಿತವಾದ ಬಸ್ಸು ಇದು" ಎನ್ನುತ್ತವೆ ಮೂಲಗಳು.
