'ಮೋದಿ ಭೇಟಿ ನೀಡದ ದೇಶ ಯಾವುದು?' ಕೇರಳದ ಪರೀಕ್ಷೆಯಲ್ಲಿ ವಿವಾದಾತ್ಮಕ ಪ್ರಶ್ನೆ

ಕೊಚಿ: ಪ್ರಧಾನಿ ಅವರ ವಿದೇಶಿ ಪ್ರವಾಸದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಬಿಸಿಬಿಸಿ ಚರ್ಚೆಗಳಾಗುತ್ತವೆ. ಆದರೆ ಹೈಕೋರ್ಟ್ ಸಹಾಯಕರ ಹುದ್ದೆಗೆ ನಡೆಸಲಾದ ಪರೀಕ್ಷೆಯಲ್ಲಿ ಇದಕ್ಕೆ ಕುರಿತಾದ ಪ್ರಶ್ನೆಯೊಂದನ್ನು ಕೇಳಿದ್ದು ಈಗ ವಿವಾದಕ್ಕೀಡಾಗಿದೆ.

ಈ ಘಟನೆಗೆ ಸಂಬಂಧಿಸಿದಂತೆ ತನಿಖೆ ನಡೆಸಲು ಕೇರಳ ಹೈಕೋರ್ಟ್ ನಿರ್ಧರಿಸಿದೆ. ಪ್ರಶ್ನೆ ಹೀಗಿತ್ತು- ಇವುಗಳಲ್ಲಿ ಭಾರತದ ಪ್ರಧಾನಿ ನರೇಂದ್ರ ಮೋದಿ ಭೇಟಿ ಕೊಡದ ರಾಷ್ಟ್ರಗಳು ಯಾವುವು? - ಪ್ರಶ್ನೆಗಿದ್ದ ಆಯ್ಕೆಗಳು . ಯು ಎಸ್ ಎ, ಆಸ್ಟ್ರೇಲಿಯಾ, ಯು ಕೆ ಮತ್ತು ದಕ್ಷಿಣ ಕೊರಿಯಾ.

ಪ್ರಧಾನಿ ಅವರ ವಿದೇಶಿ ಪ್ರವಾಸಗಳು ಮಾಧ್ಯಮಗಳ ಟೀಕೆಯನ್ನು ಎದುರಿಸಿದ್ದು ಇದೆ ಆದರೆ ಈ ಪರೀಕ್ಷೆ ಮುಗಿದ ನಂತರ ಅಭ್ಯರ್ಥಿಗಳ ನಡುವೆ ಇದು ಬಿಸಿ ಚರ್ಚೆಯಾಗಿತ್ತು. "ನಾನು ಈ ಪ್ರಶ್ನೆಯನ್ನು ನೋಡಿ ಆಶ್ಚರ್ಯಚಕಿತನಾದೆ. ಈ ಪರೀಕ್ಷಾ ಪ್ರಶ್ನೆಗಳನ್ನು ಸಿದ್ಧಪಡಿಸಿದವರು ಬೇಕಂತಲೇ ಪ್ರಧಾನಿಯವರನ್ನು ಟೀಕೆ ಮಾಡಲು ಹೀಗೆ ಮಾಡಿದ್ದಾರೆ" ಎಂದು ಹೆಸರು ಹೇಳಲಿಚ್ಚಿಸದ ಅಬ್ಯಾರ್ಥಿಯೊಬ್ಬರು ತಿಳಿಸಿದಿದ್ದಾರೆ. ಈ ಪರೀಕ್ಷೆ ನಡೆಸುವ ಕಾರ್ಯ ರಾಜ್ಯ ಸರ್ಕಾರದ ಕೆಳಗಿನ ಸ್ವಾಯತ್ತತ ಸಂಸ್ಥೆಯಾದ ವಿಜ್ಞಾನ ಮತ್ತು ತಂತ್ರಜ್ಞಾನ ಎಲ್ ಬಿ ಎಸ್ ಕೇಂದ್ರದ್ದಾಗಿತ್ತು.