ಗಿನ್ನಿಸ್ ಪುಟ ಸೇರಿದ ಬೆಂಗಳೂರಿನ ಗಾಂಧಿ ವೇಷಧಾರಿಗಳು

ಬೆಂಗಳೂರು: ಮಹಾತ್ಮ ಗಾಂಧೀಜಿಯವರ 146ನೇ ಜನ್ಮದಿನದ ಅಂಗವಾಗಿ 4 ಸಾವಿರಕ್ಕೂ ಹೆಚ್ಚು ಬೆಂಗಳೂರಿನ ಮಕ್ಕಳು ಗಾಂಧಿ ವೇಷ ತೊಟ್ಟು ಗಿನ್ನಿಸ್ ದಾಖಾಲೆ ಮಾಡಿದ್ದಾರೆ.

ಗಾಂಧೀ ಜಯಂತಿಯನ್ನು ದೇಶದಾದ್ಯಂತ ಶುಕ್ರವಾರ ಆಚರಿಸಲಾಗುತ್ತಿತ್ತು. ಇದರಂತೆ ಬೆಂಗಳೂರಿನ ಕಂಠೀರವ ಕ್ರೀಡಾಂಗಣದಲ್ಲಿ ವೆಂಕಟ್ ಸ್ಟಾಂನ್ಸ್ ಮತ್ತು ವಿನಸ್ ಗ್ರೂಪ್ ಇನ್ ಸ್ಟಿಟ್ಯೂಶನ್ ಗಳು ಕಾರ್ಯಕ್ರಮವೊಂದನ್ನು ಆಯೋಜಿಸಿತ್ತು. ಕಾರ್ಯಕ್ರಮದಲ್ಲಿ 6 ರಿಂದ 14 ವರ್ಷದೊಳಗಿನ 4,605 ಪುಟ್ಟ ಮಕ್ಕಳು ಗಾಂಧಿ ವೇಷ ತೊಟ್ಟು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.

ಈ ಹಿಂದೆಯೂ ತಮಿಳುನಾಡಿನ ಶಾಲೆಯೊಂದು ಇದೇ ರೀತಿ ಪ್ರಯತ್ನವನ್ನು ಮಾಡಿತ್ತು. ಆದರೆ, ಇಷ್ಟು ಸಂಖ್ಯೆಯಲ್ಲಿ ಗಾಂಧಿ ವೇಷಧಾರಿಗಳು ಒಂದು ಸಮಾರಂಭದಲ್ಲಿ ನೆರಿದಿರುವ ಇದೇ ಮೊದಲ ಬಾರಿಗೆಯಾದ್ದರಿಂದ ಇದು ಗಿನ್ನಿಲ್ ದಾಖಲೆಯ ಪುಸ್ತಕದ ಪುಟ ಸೇರಲು ಕಾರಣವಾಗಿದೆ.

ರಾಷ್ಟ್ರಪಿತ ಗಾಂಧೀಜಿಯವರ ಜನ್ಮದಿನ ಹಿನ್ನೆಲೆಯಲ್ಲಿ ನಿನ್ನೆ ಹಲವಾರು ಸಭೆ, ಸಮಾರಂಭಗಳನ್ನು ಏರ್ಪಡಿಸಲಾಗಿತ್ತು. ಪ್ರಧಾನಿ, ರಾಷ್ಟ್ಪಪತಿಗಳು ಸೇರಿದಂತೆ ಹಲವಾರು ಗಣ್ಯರು ರಾಷ್ಟ್ರಪಿತನಿಗೆ ಗೌರವಗಳನ್ನು ಸಲ್ಲಿಸಿದ್ದರು.