ತಿರುವನಂತಪುರಂ: ದುರಂತ ಘಟನೆಯೊಂದರಲ್ಲಿ ಶುಕ್ರವಾರ ರಾತ್ರಿ ಪುಲ್ಲುವಿಲಾ ಬೀಚ್ ಬಳಿ ಬೀದಿ ನಾಯಿಗಳು ದಾಳಿ ಮಾಡಿದ್ದರಿಂದ 65 ವರ್ಷದ ಮಹಿಳೆಯೊಬ್ಬರು ಮೃತಪಟ್ಟದ್ದಾರೆ. ಸಾವನ್ನಪ್ಪಿದವರು ಶಿಲುವಮ್ಮ ಎಂದು ಗುರುತಿಸಲಾಗಿದೆ.
ವರದಿಗಳ ಪ್ರಕಾರ ಶುಕ್ರವಾರ ರಾತ್ರಿ ಶಿಲುವಮ್ಮ ಬೀಚಿಗೆ ತೆರಳಿದಾಗ 50 ಕ್ಕೂ ಹೆಚ್ಚು ಬೀದಿ ನಾಯಿಗಳು ದಾಳಿ ಮಾಡಿವೆ. ತಾಯಿ ಮನೆಗೆ ಹಿಂದಿರುಗದಿದ್ದಾಗ, ಶಿಲುವಮ್ಮನ ಮಗ ಸೆಲ್ವರಾಜ್ ಹುಡುಕಿ ಹೊರಟಾಗ, ನಾಯಿಗಳು ದಾಳಿ ಮಾಡುತ್ತಿರುವುದನ್ನು ಕಂಡಿದ್ದಾನೆ.
ಸೆಲ್ವರಾಜ್ ನನ್ನ ಕೂಡ ನಾಯಿಗಳು ಅಟ್ಟಿಸಿಕೊಂಡು ಬಂದಿವೆ ಆದರೆ ಸಣ್ಣಪುಟ್ಟ ಗಾಯಗಳಿಂದ ಸೆಲ್ವರಾಜ್ ಉಳಿದುಕೊಂಡಿದ್ದರೆ ತಾಯಿ ಆಸ್ಪತ್ರೆಗೆ ಹೋಗುವ ಮಾರ್ಗಮಧ್ಯದಲ್ಲೇ ತೀವ್ರ ಗಾಯಗಳಿಂದ ಸಾವನ್ನಪಿದ್ದಾರೆ.
ಮತ್ತೊಂದು ಘಟನೆಯಲ್ಲಿ ಪುಲ್ಲುವಿಲಾ ನಿವಾಸಿ 52 ವರ್ಷದ ಡೈಸಿ ಎಂಬುವವರ ಮೇಲು ನಾಯಿಗಳು ದಾಳಿ ಮಾಡಿದ್ದು, ಅವರನ್ನು ತಿರುವನಂತಪುರಂ ಸರ್ಕಾರಿ ವೈದ್ಯಕೀಯ ಕಾಲೇಜಿನ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.
ಅಲ್ಲಿನ ನಿವಾಸಿಗಳು ಹೇಳುವಂತೆ ಬೀದಿ ನಾಯಿಗಳ ಹಾವಳಿ ತೀವ್ರಗೊಂಡಿದ್ದು, ಈ ತೊಂದರೆಯ ಬಗ್ಗೆ ಅಧಿಕಾರಿಗಳು ಯಾವುದೇ ಕ್ರಮ ಕೈಗೊಂಡಿಲ್ಲ.
