ಇರಾಕ್ ನಲ್ಲಿ ಕಾರ್ ಬಾಂಬ್ ಸ್ಫೋಟ; ೨೫ ಸಾವು

ಬಾಗ್ದಾದ್: ಇರಾಕ್ ನಗರ ಮೊಸುಲ್ ನ ಮಾರುಕಟ್ಟೆ ಪ್ರದೇಶದಲ್ಲಿ ಗುರುವಾರ ಮೂರು ಆತ್ಮಹತ್ಯಾ ಕಾರ್ ಬಾಬ್ ಗಳು ಸ್ಫೋಟಗೊಂಡಿದ್ದು ಕನಿಷ್ಠ ೨೫ ಜನ ಮೃತಪಟ್ಟಿದ್ದಾರೆ. 

ಈ ಸ್ಫೋಟದಲ್ಲಿ ಕನಿಷ್ಠ ೧೨ ಕ್ಕೂ ಹೆಚ್ಚು ಜನ ಗಾಯಗೊಂಡಿದ್ದಾರೆ. ಹೆಚ್ಚು ಜನನಿಬಿಡ ಮತ್ತು ಭದ್ರತಾ ಪಡೆಗಳು ನೆರೆದಿರುವ ಮೊಸುಲ್ ನ ಗೋಗಜಲಿ ಜಿಲ್ಲೆಯ ಮಾರುಕಟ್ಟೆ ಪ್ರದೇಶದಲ್ಲಿ ಈ ಭಯೋತ್ಪಾದಕ ಕೃತ್ಯ ನಡೆದಿದೆ ಎಂದು ಮೂಲಗಳು ತಿಳಿಸಿರುವುದಾಗಿ ಮಾಧ್ಯಮವೊಂದು ವರದಿ ಮಾಡಿದೆ. 

ಭದ್ರತಾ ಪಡೆಗಳು ಜಿಲ್ಲೆಯನ್ನು ಸುತ್ತುವರೆದಿದ್ದು ಆ ಪ್ರದೇಶದಲ್ಲಿ ಇರಲಿವೆ ಎಂದು ನಂಬಲಾದ ಹೆಚ್ಚಿನ ಕಾರ್ ಬಾಂಬ್ ಗಳಿಗೆ ಶೋಧ ಕಾರ್ಯಾಚರಣೆ ನಡೆಸಿವೆ ಎಂದು ತಿಳಿದುಬಂದಿದೆ.