ರಷ್ಯಾ: ರಷ್ಯಾದ ಮಿ-8 ಮಿಲಿಟರಿ ಹೆಲಿಕಾಪ್ಟರ್ ಸಿರಿಯಾ ಬಳಿ ಇದ್ಲಿಬ್ ಪ್ರಾಂತ್ಯದಲ್ಲಿ ಅಪಘಾತಕ್ಕೀಡಾಗಿ ಅದರಲ್ಲಿದ್ದ ಎಲ್ಲಾ 5 ಮಂದಿ ಸಾವನ್ನಪ್ಪಿದ್ದಾರೆ ಎಂದು ಮಾಧ್ಯಮಗಳಲ್ಲಿ ವರದಿಯಾಗಿದೆ. ಆದರೆ ಹೆಲಿಕಾಪ್ಟರ್ ನಲ್ಲಿದ್ದವರ ಗುರುತು ಪತ್ತೆಯಾಗಿಲ್ಲ ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ.
ರಕ್ಷಣಾ ಸಚಿವಾಲಯದಿಂದ ಸಿಕ್ಕಿರುವ ಮಾಹಿತಿ ಪ್ರಕಾರ, ಹೆಲಿಕಾಪ್ಟರ್ ನಲ್ಲಿದ್ದವರು ಮೃತಪಟ್ಟಿದ್ದಾರೆ. ಹೆಲಿಕಾಪ್ಟರ್ ನ್ನು ಸಮಯಕ್ಕೆ ಸರಿಯಾಗಿ ಪಕ್ಕಕ್ಕೆ ಚಲಿಸಿ ಹೆಚ್ಚು ಜನರ ಸಾವನ್ನು ತಪ್ಪಿಸಿ ವಿರೋಚಿತ ಮೆರೆದಿದ್ದಾರೆ ಎಂದು ಕ್ರೆಮ್ಲಿನ್ ವಕ್ತಾರ ಡಿಮಿಟ್ರಿ ಪೆಸ್ಕೊವ್ ಪತ್ರಕರ್ತರಿಗೆ ತಿಳಿಸಿದ್ದಾರೆ.
ಸಿಂಗಾಪೂರ ಮೂಲದ ಸ್ಟ್ರೈಟ್ಸ್ ಟೈಮ್ಸ್ ವರದಿ ಪ್ರಕಾರ, ಮಿ-8 ಸಾಗಾಟ ಹೆಲಿಕಾಪ್ಟರ್ ಆಗಿದ್ದು, ಅಲೆಪ್ಪೊ ಸಿಟಿಗೆ ಮಾನವೀಯ ನೆರವು ನೀಡಿದ ನಂತರ ರಷ್ಯಾದ ಮುಖ್ಯ ವಾಯುನೆಲೆಗೆ ಮರಳುತ್ತಿದ್ದಾಗ ಅಪಘಾತಕ್ಕೀಡಾಗಿದೆ.
ಹೆಲಿಕಾಪ್ಟರ್ ನಲ್ಲಿ ಐವರಿದ್ದರು ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ.ಈ ವರ್ಷ ಸಿರಿಯಾದಲ್ಲಿ ಕಾರ್ಯಚರಣೆ ವೇಳೆ ಅಪಘಾತಕ್ಕೀಡಾಗುತ್ತಿರುವ ರಷ್ಯಾದ ಮೂರನೇ ಹೆಲಿಕಾಪ್ಟರ್ ಇದು.