ವಾಷಿಂಗ್ಟನ್: ಶಿಕಾಗೋ ಉಪನಗರದಿಂದ ಚುನಾವಣಾ ಕಣಕ್ಕಿಳಿದಿದ್ದ ಭಾರತೀಯ ಮೂಲದ ರಾಜಾ ಕೃಷ್ಣಮೂರ್ತಿಯವರಿಗೆ ಗೆಲುವು ದೊರಕಿರುವುದಾಗಿ ಬುಧವಾರ ತಿಳಿದುಬಂದಿದೆ.
ಇನಿನಾಯ್ ಜಿಲ್ಲೆಯಿಂದ ಅಮೆರಿಕದ ಕಾಂಗ್ರೆಸ್ ನ ಡೆಮಾಕ್ರೆಟಿಕ್ ಪಕ್ಷದ ಅಭ್ಯರ್ಥಿಯಾಗಿ ಭಾರತೀಯ ಮೂಲದ ರಾಜಾ ಕೃಷ್ಣಮೂರ್ತಿಯವರು ಚುನಾವಣಾ ಅಖಾಡಕ್ಕಿಳಿದಿದ್ದರು. ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷದ ಪೀಟರ್ ಡಿಶಿಯಾನ್ನಿ ಅವರ ವಿರುದ್ಧ ಕೃಷ್ಣಮೂರ್ತಿಯವರು ಗೆಲವು ಸಾಧಿಸಿದ್ದಾರೆ.
ಕೃಷ್ಣಮೂರ್ತಿಯವರು ಮೂಲತಃ ಚೆನ್ನೈ ಮೂಲದವರಾಗಿದ್ದು, ನವದೆಹಲಿ ಇವರ ಹುಟ್ಟೂರಾಗಿದೆ. ಪ್ರಸ್ತುತ ಅಮೆರಿಕ ರಾಷ್ಟ್ರದಲ್ಲೆ ನೆಲೆಯೂರಿರುವ ಭಾರತೀಯ ಪ್ರಜೆಯಾಗಿದ್ದಾರೆ. 2008ರ ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಬರಾಕ್ ಒಬಾಮ ಅವರ ಗೆಲುವಿನಲ್ಲಿ ಕೃಷ್ಣಮೂರ್ತಿಯವರು ಪ್ರಮುಖ ಪಾತ್ರವಹಿಸಿದ್ದ ಅನಿವಾಸಿ ಭಾರತೀಯರಾಗಿದ್ದರು.
ಗೆಲುವು ಕುರಿತಂತೆ ಟ್ವಿಟರ್ ನಲ್ಲಿ ಪ್ರತಿಕ್ರಿಯೆ ನೀಡಿರುವ ಕೃಷ್ಣಮೂರ್ತಿಯವರು, ನನ್ನ ಗೆಲುವಿಗೆ ಕಾರಣರಾದ ಎಲ್ಲಾ ಬೆಂಬಲಿಗರಿಗೂ ಈ ಮೂಲಕ ಧನ್ಯವಾದಗಳನ್ನು ಸೂಚಿಸುತ್ತಿದ್ದೇನೆಂದು ಹೇಳಿದ್ದಾರೆ.
ಇನಿನಾಯ್ ಜಿಲ್ಲೆಯಲ್ಲಿ 1950 ರಲ್ಲಿ ನಡೆದ ಚುನಾವಣೆಯಲ್ಲಿ ಭಾರತೀಯ ಮೂಲದವರಾಗಿದ್ದ ದಿಲೀಪ್ ಸಿಂಗ್ ಅವರು ಗೆಲವು ಸಾಧಿಸಿದ್ದರು. ಇದಾದ ಬಳಿಕ ಸಾಕಷ್ಟು ಸುಧೀರ್ಘ ವರ್ಷದ ಬಳಿಕ ಮತ್ತೊಮ್ಮೆ ಇದೇ ಕ್ಷೇತ್ರದಲ್ಲಿ ಎರಡನೇ ಭಾರತೀಯರಾಗಿ ಕೃಷ್ಣಮೂರ್ತಿಯವರು ಗೆಲವು ಸಾಧಿಸಿದ್ದಾರೆ.
