ಡೋಕ್ಲಾಮ್ ವಿವಾದ ಸಂಬಂಧ ಚೀನಾದ ಸರಕಾರಿ ಸ್ವಾಮ್ಯದ ಪತ್ರಿಕೆ "ಗ್ಲೋಬಲ್‌ ಟೈಮ್ಸ್‌' ಸಂಪಾದಕೀಯವೊಂದನ್ನು ಪ್ರಕಟಿಸಿದ್ದು, 1962ರಲ್ಲಿ ಭಾರತದ ಜವಾಹರಲಾಲ್ ನೆಹರೂ ಅವರ ಸರ್ಕಾರ ಯಾವ ರೀತಿ ಅಪ್ರಬುದ್ಧವಾಗಿತ್ತೋ ಅದೇ ರೀತಿ ಭಾರತದ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ಸರ್ಕಾರ ಕೂಡ ಅಪ್ರಬುದ್ಧವಾಗಿದೆ ಎಂದು ಜರಿದಿದೆ.
'ಚೀನಾಗೆ ಯುದ್ಧದ ರಿಸ್ಕ್ ಬೇಕಿಲ್ಲ' ಎಂಬ ಸಾಲಿನೊಂದಿಗೆ ಸಂಪಾದಕೀಯ ಪ್ರಾರಂಭಿಸಿರುವ ಚೀನಾ, ಎಂದಿನಂತೆ ವಿವಾದ ಸಂಬಂಧ ಭಾರತಕ್ಕೆ ಯುದ್ಧದ ಬೆದರಿಕೆ ಹಾಕುವುದನ್ನು ಮುಂದುವರೆಸಿದೆ.
ಚೀನಾಗೆ ಯುದ್ಧ ಬೇಡ. ಆದರೆ, ಒಂದು ವೇಳೆ ಡೋಕ್ಲಾಮ್ ನಲ್ಲಿ ಭಾರತೀಯ ಸೇನೆಯ ಉಪಸ್ಥಿತಿ ಮುಂದುವರಿದರೆ ಕತೆ ಬೇರೆಯದೇ ಆಗುತ್ತದೆ. ಚೀನಾದ ಎಚ್ಚರಿಕೆಗಳನ್ನು ಹೀಗೆಯೇ ನಿರ್ಲಕ್ಷಿಸುತ್ತಲೇ ಹೋದರೆ, ಭಾರತದೊಂದಿಗೆ ಯುದ್ಧ ಮಾಡುವುದು ಖಚಿತ ಎಂದು ಹೇಳಿಕೊಂಡಿದೆ.
