ಸ್ಪ್ಯಾನಿಷ್ ಉಪ ಪ್ರಧಾನಿಗೆ ತಾತ್ಕಾಲಿಕವಾಗಿ ಕ್ಯಟಲೋನಿಯಾದ ಜವಾಬ್ದಾರಿ

ಮ್ಯಾಡ್ರಿಡ್: ಸ್ಪೇನ್ ನಿಂದ ಸ್ವಾಯತ್ತತೆ ಘೋಷಿಸಿಕೊಂಡಿರುವ ಕ್ಯಟಲೋನಿಯಾ ಜವಾಬ್ದಾರಿಯನ್ನು ಸ್ಪ್ಯಾನಿಷ್ ಉಪ ಪ್ರಧಾನಿಗೆ ತಾತ್ಕಾಲಿಕವಾಗಿ ವಹಿಸಲಾಗಿದೆ. 

ಸ್ಪ್ಯಾನಿಷ್ ಸರ್ಕಾರ ಅ.28 ರಂದು ಸ್ಪೇನ್ ನ ಉಪಪ್ರಧಾನಿ  ಸೊರಯಾ ಸಾನ್ಜ್ ಡಿ ಅವರಿಗೆ ಕ್ಯಟಲೋನಿಯಾದ ಜವಾಬ್ದಾರಿಯನ್ನು ವಹಿಸಲಾಗಿದೆ. ಅರೆ ಸ್ವಾಯತ್ತ ಪ್ರದೇಶವಾಗಿರುವ ಕ್ಯಟಲೋನಿಯಾದ ಮೇಲೆ ಸ್ಪೇನ್ ನೇರ ಆಡಳಿತ ಹೇರುವುದಕ್ಕೆ ಸಿದ್ಧತೆ ನಡೆಸಿದ್ದ ಹಿನ್ನೆಲೆಯಲ್ಲಿ ಕ್ಯಟಲೋನಿಯಾದ ಸಂಸತ್ ಸ್ಪೇನ್ ನಿಂದ ಸ್ವಾಯತ್ತತೆ ಘೋಷಣೆ ಮಾಡಿಕೊಂಡಿತ್ತು. ಕ್ಯಟಲೋನಿಯಾದ ಸಂಸತ್ ನ ನಡೆಯ ಬೆನ್ನಲ್ಲೇ ಸ್ಪೇನ್ ಸೆನೆಟ್ ಅಲ್ಲಿನ ಪ್ರಧಾನಿಗೆ ಕ್ಯಟಲೋನಿಯಾ ಮೇಲೆ ನೇರ ಆಡಳಿತವನ್ನು ಹೇರುವ ಅಧಿಕಾರ ನೀಡಿತ್ತು. 

ಕ್ಯಟಲೋನಿಯಾ ಸ್ವಾಯತ್ತತೆ ಘೋಷಿಸಿಕೊಂಡ ನಂತರ ಹೇಳಿಕೆ ಬಿಡುಗಡೆ ಮಾಡಿದ್ದ ಸ್ಪ್ಯಾನಿಷ್ ಸರ್ಕಾರ ಕ್ಯಟಲೋನಿಯಾದ ನಾಯಕರು, ಸರ್ಕಾರದ ಸದಸ್ಯರನ್ನು ವಜಾಗೊಳಿಸಿರುವುದಾಗಿ ತಿಳಿಸಿತ್ತು.