ಕ್ಯಾಲಿಪೋರ್ನಿಯಾ: ಬಾರ್ ನಲ್ಲಿ ಗುಂಡಿನ ದಾಳಿ, 12 ಮಂದಿ ಸಾವು !

ಥೌಸಾಂಡ್  ಓಕ್ಸ್ : ದಕ್ಷಿಣ ಕ್ಯಾಲಿಪೋನಿರ್ಯಾದಲ್ಲಿರುವ ಬಾರ್ ಮತ್ತು ಡ್ಯಾನ್ಸ್ ಕ್ಲಬ್ ವೊಂದರಲ್ಲಿ  ಬಂದೂಕು ದಾರಿ ವ್ಯಕ್ತಿಯೊಬ್ಬ ನಡೆಸಿದ ಗುಂಡಿನ ದಾಳಿಯಿಂದ ಉಪ ಕಾನೂನು ಅಧಿಕಾರಿ ಸೇರಿದಂತೆ 12 ಮಂದಿ ಮೃತಪಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಬುಧವಾರ ರಾತ್ರಿ 11-20 ರ ಸುಮಾರಿನಲ್ಲಿ ಬಾರ್ಡರ್ ಲೈನ್ ಬಾರ್ ಮತ್ತು ಗ್ರೀಲ್ ನಲ್ಲಿ ಈ ದಾಳಿ ನಡೆದಿದೆ. ದಾಳಿ ವೇಳೆಯಲ್ಲಿ ಕಾಲೇಜು ವಿದ್ಯಾರ್ಥಿಗಳು ಸೇರಿದಂತೆ ನೂರಾರು ಮಂದಿ ಯುವಕರೇ ತುಂಬಿದ್ದರು ಎಂದು ವೆಂಚೂರಾ ಕೌಂಟಿ ತನಿಖಾಧಿಕಾರಿ ಕುರೆದಿಜಿಯಾನ್ ತಿಳಿಸಿದ್ದಾರೆ.

ಈಗಲೂ ಕೂಡಾ ಈ ಪ್ರದೇಶದಲ್ಲಿ ಕಾರ್ಯಾಚರಣೆ ಮುಂದುವರೆದಿದೆ.ಬಂದೂಕು ದಾರಿ ವ್ಯಕ್ತಿಯನ್ನು ನೋಡಿದ್ದೇನೆ ಆದರೆ,.ಆತನನ್ನು ಪೊಲೀಸರು ವಶಕ್ಕೆ ಪಡೆದಿರುವ ಬಗ್ಗೆ ಸ್ಪಷ್ಟ ಮಾಹಿತಿ ತಿಳಿದುಬಂದಿಲ್ಲ ಎಂದು ಕುರೆದಿಜಿಯಾನ್ ತಿಳಿಸಿದ್ದಾರೆ.