ಪಶ್ಚಿಮ ಏಷ್ಯಾ ಮತ್ತು ಗಲ್ಫ್ ಪ್ರದೇಶದಲ್ಲಿ ಭದ್ರತಾ ಪರಿಸ್ಥಿತಿ ಮತ್ತಷ್ಟು ಉಲ್ಬಣಗೊಳ್ಳುತ್ತಿರುವಂತೆಯೇ, ಇರಾನ್ ವಿರುದ್ಧ ಯಾವುದೇ ಭೂ ದಾಳಿ ನಡೆಸಿದರೆ, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ಗೆ 'ಮಹಾ ಅಚ್ಚರಿ' ಕಾದಿದೆ ಎಂದು ಇರಾನ್ ಶಪಥ ಮಾಡಿರುವುದಾಗಿ ತಸ್ನಿಮ್ ಸುದ್ದಿ ಸಂಸ್ಥೆ ಶನಿವಾರ ವರದಿ ಮಾಡಿದೆ.
ಇರಾನ್ನಲ್ಲಿ ಸಂಭವನೀಯ ಭೂ ಕಾರ್ಯಾಚರಣೆಗಳ ಬಗ್ಗೆ ಅಮೆರಿಕ ಸುಳಿವು ನೀಡಿರುವ ಇತ್ತೀಚಿನ ವರದಿಗಳಿಗೆ ಪ್ರತಿಕ್ರಿಯೆಯಾಗಿ ಇರಾನ್ ಮಿಲಿಟರಿ ಮೂಲಗಳು ತಸ್ನಿಮ್ ಸುದ್ದಿ ಸಂಸ್ಥೆಗೆ ಈ ಹೇಳಿಕೆ ನೀಡಿವೆ.
"ಸ್ಪಷ್ಟವಾಗಿಯೂ, ಇರಾನ್ ನೆಲದ ಮೇಲಿನ ಭೂ ದಾಳಿಯು ನಮ್ಮ ಕೆಂಪು ರೇಖೆಗಳಲ್ಲಿ ಒಂದಾಗಿದೆ ಮತ್ತು ಪ್ರತಿಯೊಂದು ಶತ್ರು ಕಾರ್ಯಾಚರಣೆಯ ವಿರುದ್ಧ ಶಾಕ್ ನೀಡಿದಂತೆಯೇ, ಈ ಪ್ರಕರಣದಲ್ಲೂ ನಾವು ಅದನ್ನು ಮತ್ತೆ ಮಾಡಿ ತೋರಿಸುತ್ತೇವೆ" ಎಂದು ಇರಾನ್ ಮಿಲಿಟರಿ ಹೇಳಿದೆ.
ಇರಾನಿನ ಇಂಧನ ಮೂಲಸೌಕರ್ಯದ ಮೇಲಿನ ದಾಳಿಯನ್ನು ಉಲ್ಲೇಖಿಸಿ, "ನಮ್ಮ ಇಂಧನ ಮೂಲಸೌಕರ್ಯಕ್ಕೆ ಧಕ್ಕೆಯಾದಾಗ, ಈ ಪ್ರದೇಶದ ಎಲ್ಲಾ ಇಂಧನ ಮೂಲಸೌಕರ್ಯಗಳು ನಿಷ್ಕ್ರಿಯಗೊಂಡವು ಮತ್ತು ಈ ಬಾರಿಯೂ ಸಹ, ಭಯೋತ್ಪಾದಕ ಟ್ರಂಪ್, ಈ ವಿಷಯದಲ್ಲಿ ತಪ್ಪು ಮಾಡಿದರೆ, ನಮ್ಮ ಭೂಮಿಯಿಂದ ತನ್ನ ಸೈನಿಕರ ಶವಪೆಟ್ಟಿಗೆಯನ್ನು ತೆಗೆದುಹಾಕಲು ಸಾಧ್ಯವಾಗದ ರೀತಿಯಲ್ಲಿ ಅವನಿಗೆ ನಾವು ಆಘಾತವನ್ನುಂಟುಮಾಡುತ್ತೇವೆ" ಎಂದು ಎಚ್ಚರಿಸಿರುವುದಾಗಿ ತಸ್ನಿಮ್ ಸುದ್ದಿ ಸಂಸ್ಥೆಗೆ ತಿಳಿಸಿದೆ.
ಇರಾನಿನ ದ್ವೀಪಗಳ ನಾಶವು ಯುಎಇಯ ಕರಾವಳಿ ಪ್ರದೇಶಗಳ ನಾಶಕ್ಕೆ ಕಾರಣವಾಗುತ್ತದೆ ಎಂದು ಇರಾನ್ ಮಿಲಿಟರಿ ಮೂಲಗಳು ತಿಳಿಸಿವೆ.
Advertisement
