ಒಂದೇ ಒಂದು ದಾಳಿ ನಡೆದರೂ ಯುರೇನಿಯಂ ದಾಸ್ತಾನು ಶಸ್ತ್ರಾಸ್ತ್ರ ದರ್ಜೆಗೆ ಸಂವರ್ಧನೆ- ಅಮೆರಿಕಾಗೆ ಇರಾನ್ ಕಠಿಣ ಎಚ್ಚರಿಕೆ!

ಅಮೆರಿಕ ಅಥವಾ ಇಸ್ರೇಲಿ ಪಡೆಗಳು ಮತ್ತೊಮ್ಮೆ ದಾಳಿ ಮಾಡಿದರೆ, ತನ್ನ ಯುರೇನಿಯಂ ದಾಸ್ತಾನನ್ನು ಶೇಕಡಾ 90 ರಷ್ಟು ಶುದ್ಧ- ಶಸ್ತ್ರಾಸ್ತ್ರ ದರ್ಜೆಗೆ ಸಂವರ್ಧನೆ (ಪುಷ್ಟೀಕರಣ) ಮಾಡುತ್ತೇವೆ ಎಂದು ಇರಾನ್ ಎಚ್ಚರಿಸಿದೆ.

ಮಾತುಕತೆ ಸ್ಥಗಿತಗೊಂಡಿರುವುದರಿಂದ ಅಮೆರಿಕ ಅಧ್ಯಕ್ಷ ಟ್ರಂಪ್ ಇಸ್ಲಾಮಿಕ್ ಗಣರಾಜ್ಯದ ವಿರುದ್ಧ ಹೊಸ ಮಿಲಿಟರಿ ಕ್ರಮ ಕೈಗೊಳ್ಳುವ ಬಗ್ಗೆ ಯೋಚಿಸುತ್ತಿದ್ದಾರೆ ಎಂಬ ಮಾಧ್ಯಮ ವರದಿಗಳ ಮಧ್ಯೆ ಈ ಬೆದರಿಕೆ ಬಂದಿದೆ.

"ಮತ್ತೊಂದು ದಾಳಿ ನಡೆದಿದ್ದೇ ಆದರೆ, ಶೇಕಡಾ 90 ರಷ್ಟು ಯುರೇನಿಯಂ ಸಂವರ್ಧನೆ (ಪುಷ್ಟೀಕರಣ) ಇರಾನ್‌ನ ಆಯ್ಕೆಗಳಲ್ಲಿ ಒಂದಾಗಿರಲಿದೆ" ಎಂದು ಇರಾನ್ ಸಂಸದೀಯ ಆಯೋಗದ ವಕ್ತಾರ ಇಬ್ರಾಹಿಂ ರೆಜೈ X ನಲ್ಲಿ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.

"ನಾವು ನಮ್ಮ ಮುಂದಿನ ಆಯ್ಕೆಗಳನ್ನು ಸಂಸತ್ತಿನಲ್ಲಿ ಪರಿಶೀಲಿಸುತ್ತೇವೆ". ಎಂದು ಇಬ್ರಾಹಿಂ ರೆಜೈ ಹೇಳಿದ್ದಾರೆ.

ಟ್ರಂಪ್‌ ಯುರೇನಿಯಂ ಸಮಸ್ಯೆ

ಇರಾನ್ ನ ಯುರೇನಿಯಂ ಎನ್ರಿಚ್ಮೆಂಟ್ ನ್ನು ಟ್ರಂಪ್ ಪರಮಾಣು ಧೂಳು ಎಂದು ವ್ಯಂಗ್ಯವಾಗಿ ಕರೆದಿದ್ದು, ಟೆಹ್ರಾನ್‌ನ ಇಸ್ಲಾಮಿಕ್ ಆಡಳಿತದ ವಿರುದ್ಧದ ತಮ್ಮ ಆಯ್ಕೆಯ ಯುದ್ಧದ ಹಿಂದಿನ ಪ್ರಮುಖ ಅಂಶವೆಂದರೆ ಅದು ಆ ದೇಶದ ಯುರೇನಿಯಂ ಸಂವರ್ಧನೆ ಎಂದು ಹೇಳಿದ್ದಾರೆ. ಯುದ್ಧ ಈಗ 70 ದಿನಗಳಿಗೂ ಹೆಚ್ಚು ಕಾಲ ವಿಸ್ತರಿಸಿದೆ. ಇರಾನ್ ಪರಮಾಣು ಶಸ್ತ್ರಾಸ್ತ್ರಗಳನ್ನು ಅಭಿವೃದ್ಧಿಪಡಿಸಲು ಬಿಡುವುದಿಲ್ಲ ಎಂದು ಟ್ರಂಪ್ ಹೇಳಿದ್ದಾರೆ.

ಈ ವಾರದ ಆರಂಭದಲ್ಲಿ, ಪತ್ರಕರ್ತರೊಂದಿಗೆ ಮಾತನಾಡುತ್ತಾ, ಅಮೆರಿಕ ಇರಾನ್‌ನ ದಾಸ್ತಾನುಗಳನ್ನು "ನಿಕಟವಾಗಿ ಗಮನಿಸುತ್ತಿದೆ" ಮತ್ತು ಯಾರಾದರೂ ಆ ಸ್ಥಳವನ್ನು ಸಮೀಪಿಸಿದರೆ ವಾಷಿಂಗ್ಟನ್‌ಗೆ ತಿಳಿಯುತ್ತದೆ ಮತ್ತು ಅವರನ್ನು "ಸ್ಫೋಟಿಸಲಾಗುತ್ತೆ" ಎಂದು ಹೇಳಿದ್ದಾರೆ.

ಇರಾನ್‌ನ ಇತ್ತೀಚಿನ ಪ್ರತಿ-ಪ್ರಸ್ತಾಪವನ್ನು ತಿರಸ್ಕರಿಸಿದ ನಂತರ ಮಧ್ಯಪ್ರಾಚ್ಯ ಯುದ್ಧದಲ್ಲಿ ಕದನ ವಿರಾಮವು "ಲೈಫ್ ಸಪೊರ್ಟ್ ನಲ್ಲಿದೆ ಎಂದು ಎಚ್ಚರಿಸಿದರು. ಈ ಮಧ್ಯೆ ಇರಾನ್ ತನ್ನ ಮಿಲಿಟರಿ ಯಾವುದೇ ಆಕ್ರಮಣಕಾರಿ ಕೃತ್ಯಕ್ಕೆ ಪ್ರತಿಕ್ರಿಯಿಸಲು ಸಿದ್ಧವಾಗಿದೆ ಎಂದು ಹೇಳಿದೆ.

ಈ ವಿಷಯದ ಬಗ್ಗೆ ಮಾಹಿತಿ ಇರುವ ಜನರನ್ನು ಉಲ್ಲೇಖಿಸಿ ವರದಿ ಪ್ರಕಟಿಸಿರುವ ವಾಲ್ ಸ್ಟ್ರೀಟ್ ಜರ್ನಲ್, ಇರಾನ್‌ನ ಪ್ರತಿ-ಪ್ರಸ್ತಾಪವು ತನ್ನ ಹೆಚ್ಚು ಸಂವರ್ಧಿತ ಯುರೇನಿಯಂನ ಕೆಲವು ಭಾಗವನ್ನು ದುರ್ಬಲಗೊಳಿಸುವ ಸಾಧ್ಯತೆಯನ್ನು ಒಳಗೊಂಡಿತ್ತು ಮತ್ತು ಉಳಿದವುಗಳನ್ನು ಸ್ವಲ್ಪ ಸಮಯದವರೆಗೆ ಮೂರನೇ ದೇಶಕ್ಕೆ ವರ್ಗಾಯಿಸುವ ಸಾಧ್ಯತೆಯನ್ನು ಒಳಗೊಂಡಿತ್ತು ಎಂದು ಹೇಳಿದೆ.

ಇರಾನ್‌ನ ಯುರೇನಿಯಂ ದಾಸ್ತಾನು

ಕಳೆದ 8 ವರ್ಷಗಳಲ್ಲಿ, ಟ್ರಂಪ್ ಅಧ್ಯಕ್ಷರಾಗಿ ತಮ್ಮ ಮೊದಲ ಅವಧಿಯಲ್ಲಿ, ಟೆಹ್ರಾನ್‌ನೊಂದಿಗಿನ ಪರಮಾಣು ಒಪ್ಪಂದದಿಂದ ವಾಷಿಂಗ್ಟನ್ ಹೊರಬಂದ ನಂತರ, ಇರಾನ್ 22,000 ಪೌಂಡ್‌ಗಳು ಅಥವಾ 11000 ಕಿಲೋಗ್ರಾಂಗಳಷ್ಟು ಪುಷ್ಟೀಕರಿಸಿದ ಯುರೇನಿಯಂ ನ್ನು ಸಂಗ್ರಹಿಸಿದೆ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ತಿಳಿಸಿದೆ.

ಇರಾನ್ 2006 ರಲ್ಲಿ ಕೈಗಾರಿಕಾ ಪ್ರಮಾಣದಲ್ಲಿ ಯುರೇನಿಯಂ ಪುಷ್ಟೀಕರಣ ಪ್ರಕ್ರಿಯೆಯನ್ನು ಪ್ರಾರಂಭಿಸಿ ಅದರ ಗುರಿ ಶಾಂತಿಯುತವಾಗಿದೆ ಎಂದು ಹೇಳಿತ್ತು. ವಿಶ್ವಸಂಸ್ಥೆಯ ಪರಮಾಣು ಕಾವಲು ಸಂಸ್ಥೆ, ಅಂತರರಾಷ್ಟ್ರೀಯ ಪರಮಾಣು ಶಕ್ತಿ ಸಂಸ್ಥೆ (IAEA) ವರದಿಗಳ ಪ್ರಕಾರ, ದಾಸ್ತಾನು ವರ್ಷಗಳಲ್ಲಿ ಬೆಳೆಯುತ್ತಲೇ ಇದೆ. 2010 ರಲ್ಲಿ, ಟೆಹ್ರಾನ್ ಯುರೇನಿಯಂ ನ್ನು ಶೇಕಡಾ 20 ರಷ್ಟು ಪುಷ್ಟೀಕರಿಸಲು ಪ್ರಾರಂಭಿಸುವುದಾಗಿ ಘೋಷಿಸಿತು ಇದರ ಉದ್ದೇಶ ಮೇಲ್ನೋಟಕ್ಕೆ ಸಂಶೋಧನಾ ರಿಯಾಕ್ಟರ್‌ಗೆ ಇಂಧನವನ್ನು ತಯಾರಿಸುವುದಾಗಿತ್ತಾದರೂ ಈ ಪರಿಪ್ರಮಾಣದ ಸಂವರ್ಧನೆ ನಾಗರಿಕ ಮತ್ತು ಮಿಲಿಟರಿ ಬಳಕೆಗಳ ನಡುವಿನ ಅಧಿಕೃತ ವಿಭಜನಾ ರೇಖೆಯಾಗಿದೆ.

ಇರಾನ್‌ನ 440.9 ಕಿಲೋಗ್ರಾಂಗಳಷ್ಟು (972 ಪೌಂಡ್‌ಗಳು) ದಾಸ್ತಾನು ಶೇಕಡಾ 60 ರಷ್ಟು ಶುದ್ಧತೆಗೆ ಪುಷ್ಟೀಕರಿಸಲ್ಪಟ್ಟಿದೆ ಎಂದು ಯುಎನ್ ಕಾವಲು ಸಂಸ್ಥೆ ನಂಬುತ್ತದೆ, ಇದು ಶಸ್ತ್ರಾಸ್ತ್ರ-ದರ್ಜೆಯ ಮಟ್ಟವಾದ 90 ಪ್ರತಿಶತದಿಂದ ಒಂದು ಹೆಜ್ಜೆಯಷ್ಟೇ ಹಿಂದಿರುವುದಾಗಿದೆ.

ಸಾಂದ್ರತೆಗಳು ಹೆಚ್ಚಾದಂತೆ ಯುರೇನಿಯಂನ ಪುಷ್ಟೀಕರಣವು ಹೆಚ್ಚು ಸುಲಭವಾಗುತ್ತದೆ. ಪರಮಾಣು ಶಸ್ತ್ರಾಸ್ತ್ರಗಳನ್ನು ತಯಾರಿಸಲು ಆದ್ಯತೆಯ ಮಟ್ಟವಾದ 20 ಪ್ರತಿಶತದಿಂದ 60 ಪ್ರತಿಶತಕ್ಕೆ ಅಥವಾ 90 ಪ್ರತಿಶತಕ್ಕೆ ಹೋಲಿಸಿದರೆ ಶೂನ್ಯದಿಂದ ಶೇಕಡಾ 20 ಕ್ಕೆ ಪಡೆಯುವುದು ತುಂಬಾ ಕಷ್ಟ. ಜೂನ್ 2021 ರಲ್ಲಿ, ಇರಾನ್‌ನ ಆಗಿನ ಅಧ್ಯಕ್ಷ ಹಸನ್ ರೂಹಾನಿ, ಟೆಹ್ರಾನ್ ತನ್ನ ಪರಮಾಣು ರಿಯಾಕ್ಟರ್‌ಗಳಿಗೆ ಅಗತ್ಯವಿದ್ದರೆ ಯುರೇನಿಯಂ ಅನ್ನು ಶೇಕಡಾ 90 ರಷ್ಟು ಪುಷ್ಟೀಕರಿಸಬಹುದು ಎಂದು ಒಪ್ಪಿಕೊಂಡಿದ್ದರು. ಆದರೆ ನಿರ್ಬಂಧಗಳನ್ನು ತೆಗೆದುಹಾಕುವ ಬದಲು ತನ್ನ ಪರಮಾಣು ಚಟುವಟಿಕೆಗಳನ್ನು ಮಿತಿಗೊಳಿಸುವ 2015 ರ ಒಪ್ಪಂದವನ್ನು ಪುನರುಜ್ಜೀವನಗೊಳಿಸಲು ಅದು ಇನ್ನೂ ಪ್ರಯತ್ನಿಸುತ್ತಿದೆ ಎಂದು ಹೇಳಿದರು.