ಮುಂಬೈ: ಸೇಬು ಪ್ರಿಯರಿಗೆ ಅಷ್ಟೇನೂ ಸವಿ ಸುದ್ದಿಯಲ್ಲ ಇದು. ಧಾರಾಳವಾಗಿ ಆಮದಾಗುತ್ತಿದ್ದ ಸೇಬು ಇನ್ನು ಮುಂದೆ ಪಶ್ಚಿಮ ಕರಾವಳಿಯಲ್ಲಿ ಒಂದೇ ಬಂದರಿಗೆ ಸೀಮಿತವಾಗಲಿದೆ.
ಇನ್ನು ಮುಂಬೈಯ ನ್ಹಾವಾ ಶೆವಾ ಬಂದರಿಗೆ ಸೇಬು ಆಮದಾಗಬೇಕೆಂದು ವಿದೇಶ ವ್ಯಾಪಾರ ಮಹಾ ನಿರ್ದೇಶನಾಲಯ ಆದೇಶಿಸಿದೆ.
ಇದು ಜಾರಿಗೆ ಬಂದರೆ, ದಕ್ಷಿಣ ಭಾರತೀಯ ನಗರಗಳಾದ ಬೆಂಗ ಳೂರು, ವಿಶಾಖಪಟ್ಟಣ, ಹೈದರಾಬಾದ್, ವಿಜಯವಾಡ, ಚೆನ್ನೈ ಮುಂತಾದ ಕಡೆ ಈಗ ಕಿಲೋಗೆ ರು. 250 350ಕ್ಕೆ ಸಿಗುತ್ತಿದ್ದ ಆಮದು ಸೇಬಿನ ದರ ಇನ್ನು ದುಪ್ಪಟ್ಟಾಗಲಿದೆ ಎಂದು ಖಾಸಗಿ ಪತ್ರಿಕೆಯೊಂದು ವರದಿ ಮಾಡಿದೆ.
ಈ ಆಮದು ಸೇಬು ಅಮೆರಿಕ, ಚೀನಾ, ಚಿಲಿ, ನ್ಯೂಜೆಲೆಂಡ್, ಇಟಲಿ, ಫ್ರಾನ್ಸ್, ಟರ್ಕಿ ಮುಂತಾದೆಡೆಗಳಿಂದ ಬರುತ್ತಿದೆ.