ಟೋರೊಂಟೊ: ಆಧುನಿಕ ಡೀಸೆಲ್ ಕಾರುಗಳು ಪೆಟ್ರೋಲ್ ಅಥವಾ ಎಲ್ ಪಿಜಿ ಕಾರುಗಳಿಗಿಂತ ಹೆಚ್ಚು ಪರಿಸರ ಸ್ನೇಹಿಯಾಗಿದ್ದು, ಕಡಿಮೆ ವಾಯು ಮಾಲಿನ್ಯವನ್ನು ಬಿಡುಗಡೆ ಮಾಡುತ್ತವೆ ಎಂದು ಅಧ್ಯಾಯನವೊಂದು ಹೇಳಿದೆ.

ಇದುವರೆಗೆ ಡೀಸೆಲ್ ಕಾರುಗಳು ಹೆಚ್ಚು ವಾಯು ಮಾಲಿನ್ಯ ಉಂಟು ಮಾಡುತ್ತವೆ ಎಂಬ ಕೆಟ್ಟ ಹೆಸರಿತ್ತು. ಆದರೆ ಹೊಸ ಅಧ್ಯಯನದ ಪ್ರಕಾರ ಪೆಟ್ರೋಲ್ ಕಾರುಗಳೇ ಹೆಚ್ಚು ಮಾಲಿನ್ಯ ಉಂಟು ಮಾಡುತ್ತವೆ. ಆದರೆ ಅದು ಕಣ್ಣಿಗೆ ಕಾಣಿಸುವುದಿಲ್ಲ ಎಂದು ಕೆನಡಾದ ಡಿ ಮಾಂಟ್ರಿಯಲ್ ವಿವಿಯ ಸಹಾಯಕ ಪ್ರಾದ್ಯಾಪಕ ಪ್ಯಾಟ್ರಿಕ್ ಹಯೆಸ್ ಅವರು ಹೇಳಿದ್ದಾರೆ.

ಸಂಶೋಧಕರು ಪೆಟ್ರೋಲ್ ಮತ್ತು ಡೀಸೆಲ್ ಕಾರುಗಳು ಹೊರಸೂಸಲ್ಪಡುವ ಕಾರ್ಬನ್ ಕಣಗಳನ್ನು ಪರಿಶೀಲಿಸಿದ್ದು, ಡೀಸೆಲ್ ಕಾರುಗಳು ಹೆಚ್ಚು ಪರಿಸರ ಸ್ನೇಹಿಯಾಗಿವೆ ಎಂದು ಹೇಳಿದ್ದಾರೆ.

ಇತ್ತೀಚಿನ ವರ್ಷಗಳಲ್ಲಿ ಯೂರೋಪ್ ಮತ್ತು ಉತ್ತರ ಅಮೆರಿಕದಲ್ಲಿ ನೂತನ ಡೀಸೆಲ್ ಕಾರುಗಳಿಗೆ ಕಾರ್ಬನ್ ಕಣದ ಫಿಲ್ಟರ್ ಗಳನ್ನು ಅಳವಡಿಸಲಾಗುತ್ತಿದ್ದು, ಇದರಿಂದಾಗಿ ಹೊರ ಸೂಸುವ ವಾಯು ಮಾಲಿನ್ಯ ಗಣನೀಯ ಪ್ರಮಾಣದಲ್ಲಿ ಕಡಿಮೆಯಾಗಿದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.