ಮುಂಬೈ: 2005 ಇಸವಿಗಿಂತ ಹಳೆಯ ಕರೆನ್ಸಿ ನೋಟುಗಳನ್ನು ಬದಲಾಯಿಸಿಕೊಳ್ಳಲು ನೀಡಿದ್ದ ಗಡುವನ್ನು ಆರ್‍ಬಿಐ ಮತ್ತೊಮ್ಮೆ ವಿಸ್ತರಿಸಿದೆ.
ಈ ಮೊದಲು ಘೋಷಿಸಿದ್ದ ಜೂ.30ರ ಬದಲಿಗೆ ಮತ್ತೆ 6 ತಿಂಗಳು ವಿಸ್ತರಿಸಲಾಗಿದ್ದು ಡಿ. 31 ರೊಳಗೆ ಹಳೆಯ ನೋಟು ಬದಲಿಸಿಕೊಳ್ಳಬಹುದಾಗಿದೆ. ಅಲ್ಲಿಯವರೆಗೂ ಹಳೆಯ ನೋಟುಗಳು ಚಾಲ್ತಿಯಲ್ಲಿಯೇ ಇರಲಿವೆ. ಇದೇ ವೇಳೆ, ಹೊಸತಾಗಿ ಬಿಡುಗಡೆಯಾಗುತ್ತಿರುವ 100 ನೋಟು ಇನ್ನಷ್ಟು ಹೆಚ್ಚಿನ ಭದ್ರತಾ ವಿನ್ಯಾಸಗಳೊಂದಿಗೆ ಬರುತ್ತಿದ್ದು, ನೋಟ್ ಮೇಲಿನ ಅಂಕಿಗಳ ಗಾತ್ರ ಏರಿಕೆ ಕ್ರಮದಲ್ಲಿ ಕಾಣಿಸಲಿದೆಯೆಂದು ಆರ್‍ಬಿಐ ತಿಳಿಸಿದೆ.
ಜನಸಾಮಾನ್ಯರಿಗೆ ಗುರುತಿಸಲು ಸುಲಭವಾಗುವಂತೆ ಡಿಸೈನ್ ಮಾಡಲಾಗಿದ್ದು, ನೋಟಿನ ಎರಡೂ ಬದಿಯಲ್ಲಿ ಸಂಖ್ಯೆಗಳು ಏರಿಕೆ ಕ್ರಮದಲ್ಲಿ ಇರಲಿವೆ.