ನವದೆಹಲಿ: ದೇಶದ ಬಹುತೇಕ ಕಡೆ ಮಂಗಳವಾರ ಬೆಳಿಗ್ಗೆ ಕೆಲ ಕಾಲ ವೊಡಾಪೋನ್-ಐಡಿಯಾ ಬಳಕೆದಾರರಿಗೆ ನೆಟ್ ವರ್ಕ್ ಸಮಸ್ಯೆ ಉಂಟಾಗಿತ್ತು. 

ಬೆಂಗಳೂರು ಸೇರಿ ಹಲವು ನಗರಗಳಿಂದ ವ್ಯಾಪಕ ದೂರು ವ್ಯಕ್ತವಾಯಿತು. ಕೆಲ ಸಮಯದ ನಂತರ ಕಂಪನಿ ಇದನ್ನು ಸರಿಪಡಿಸಿತು. 

ಮೊಬೈನ್ ನೆಟ್ ವರ್ಕ್ ಸೇವೆ ಪೂರೈಕೆದಾರ ಕಂಪನಿಗಳ ಪ್ರಕಾರ ಲಾಕ್ ಡೌನ್ ನಂತರ ಮನೆಯಿಂದಲೇ ಕೆಲಸ ಮಾಡುವವರು ಹೆಚ್ಚಿರುವುದರಿಂದ ಶೇ.30ರಷ್ಟು ಇಂಟರ್ನೆಟ್ ಬಳಕೆ ಹೆಚ್ಚಾಗಿದೆ. ದೂರ ಸಂಪರ್ಕ ಇಲಾಖೆಯ ಪ್ರಕಾರ ಶೇ.10ರಿಂದ 15ರಷ್ಟು ಇಂಟರ್ನೆಟ್ ಬಳಕೆ ಹೆಚ್ಚಿದೆ. ಹೀಗಾಗಿ ಕೆಲವೊಮ್ಮೆ ನೆಟ್ ವರ್ಕ್ ಸಮಸ್ಯೆ ಉಂಟಾಗುತ್ತದೆ.