ನವದೆಹಲಿ: ಕಳೆದ ಆರೂವರೆ ವರ್ಷಗಳಲ್ಲಿಯೇ ಚಿಲ್ಲರೆ ಹಣದುಬ್ಬರ ಶೇಕಡ 7.61ಕ್ಕೆ ಏರಿಕೆಯಾಗಿದೆ. ಆಹಾರ ಉತ್ಪನ್ನಗಳ ಬೆಲೆಯಲ್ಲಿ ಹೆಚ್ಚಳ ಆಗಿರುವುದರಿಂದ ಅಕ್ಟೋಬರ್ ನಲ್ಲಿ ಹಣದುಬ್ಬರ ಹೆಚ್ಚಾಗಿದೆ ಎನ್ನಲಾಗಿದೆ.
ಆರ್ ಬಿಐ ನಿಗದಿ ಮಾಡಿಕೊಂಡಿದ್ದಕ್ಕಿಂತಲೂ ಇದು ಹೆಚ್ಚಿನದಾಗಿದೆ. ಗ್ರಾಹಕ ದರ ಸೂಚ್ಯಂಕ(ಸಿಪಿಐ) ಆಧರಿಸಿದ ಚಿಲ್ಲರೆ ಹಣದುಬ್ಬರ ಈ ವರ್ಷದ ಸೆಪ್ಟೆಂಬರ್ ನಲ್ಲಿ ಶೇ.7.27ರಷ್ಟಿತ್ತು ಇದೀಗ ಅಕ್ಟೋಬರ್ ನಲ್ಲಿ ಶೇ. 7.61ಕ್ಕೆ ಏರಿಕೆಯಾಗಿದೆ. ಇನ್ನು ಕಳೆದ ವರ್ಷದ ಅಕ್ಟೋಬರ್ ನಲ್ಲಿ ಶೇ. 4.62ರಷ್ಟಿತ್ತು.
ಇನ್ನು ಆಹಾರ ಉತ್ಪನ್ನಗಳ ಹಣದುಬ್ಬರ ಸೆಪ್ಟೆಂಬರ್ ಶೇ. 10.68ರಷ್ಟಿದ್ದು ಅಕ್ಟೋಬರ್ ನಲ್ಲಿ ಶೇ. 11.07ಕ್ಕೆ ಏರಿಕೆಯಾಗಿದೆ.