ನವದೆಹಲಿ: ಸ್ಯಾಮ್ ಸಂಗ್ ಗ್ಯಾಲೆಕ್ಸಿ ಎಂ31 ಪ್ರೈಮ್ ಗೆ ಅಮೇಜಾನ್ ನಲ್ಲಿ ಭರ್ಜರಿ ರಿಯಾಯಿತಿ ನೀಡಲಾಗಿದೆ. 

ಅಮೇಜಾನ್-ಸ್ಯಾಮ್ ಸಂಗ್ ಜಂಟಿಯಾಗಿ ಅಭಿವೃದ್ಧಿಪಡಿಸಿರುವ ವಿಶೇಷ ಆವೃತ್ತಿಯ ಸ್ಮಾರ್ಟ್ ಫೋನ್ ಇದಾಗಿದ್ದು, 6000 ಎಂಎಎಚ್ ಬ್ಯಾಟರಿ ಹೊಂದಿದ್ದು ಹಬ್ಬದ ಸೀಸನ್ ಗಾಗಿಯೇ ಬಿಡುಗಡೆ ಮಾಡಲಾಗಿದೆ. ನೀಲಿ ಬಣ್ಣ, ಸ್ಪೇಸ್ ಬ್ಲಾಕ್ ಹಾಗೂ ಐಸ್ ಬರ್ಗ್ ಬ್ಲೂ ಬಣ್ಣಗಳಲ್ಲಿ ಲಭ್ಯವಿರುವ ಈ ಮೊಬೈಲ್ ಗೆ 16,499 ರೂಪಾಯಿಗಳನ್ನು ನಿಗದಿಪಡಿಸಲಾಗಿದೆ. 

ಅ.17 ರಿಂದ ಪ್ರಾರಂಭವಾಗುವ ಅಮೇಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ನ ಅವಧಿಯಲ್ಲಿ ಅಮೇಜಾನ್.ಇನ್ ಗ್ರಾಹಕರು ಹೆಚ್ ಡಿಎಫ್ ಸಿ ಕ್ರೆಡಿಟ್ ಕಾರ್ಡ್ ಹಾಗೂ ಡೆಬಿಟ್ ಕಾರ್ಡ್ ಗಳನ್ನು ಬಳಕೆ ಮಾಡಿ ಈ ಮೊಬೈಲ್ ಖರೀದಿಸಿದರೆ, ಶೇ.10 ರಷ್ಟು ಕ್ಯಾಶ್ ಬ್ಯಾಕ್ ಪಡೆಯಬಹುದಾಗಿದೆ.

ಗ್ಯಾಲೆಕ್ಸಿ ಎಂ31 ಪ್ರೈಮ್ ಗಾಗಿ ನಾವು ಅಮೇಜಾನ್ ಜೊತೆ ಅತ್ಯಂತ ನಿಕಟವಾಗಿ ಕೆಲಸ ಮಾಡಿದ್ದೇವೆ ಎಂದು ಸ್ಯಾಮ್ ಸಂಗ್ ತಿಳಿಸಿದೆ.

ಈ ವಿಶೇಷ ಮೊಬೈಲ್ ನಲ್ಲಿ ಅಮೇಜಾನ್ ಆಪ್ ಗೆ ಸಂಬಂಧಿಸಿದಂತೆ ಪ್ರೀ ಇನ್ಸ್ಟಾಲ್ಡ್ ಡೆಡಿಕೇಟೆಡ್ ಫೋಲ್ಡರ್ ನ್ನು ನೀಡಲಾಗಿರುತ್ತದೆ. 6.4 ಇಂಚಿನ ಇನ್ಫಿನಿಟಿ ಯು ಸಮೋಲ್ಡ್ ಡಿಸ್ಪ್ಲೇ ನ್ನು ಹೊಂದಿದೆ. 64+8+5+5 ಮೆಗಾ ಪಿಕ್ಸಲ್ ಕ್ವಾಡ್ ಕ್ಯಾಮರಾ ಸೆಟಪ್, 4 ಕೆ ವಿಡಿಯೋಗಳನ್ನು ರೆಕಾರ್ಡ್ ಮಾಡುವ ಸಾಮರ್ಥ್ಯ, ಹೈಪರ್ ಲ್ಯಾಪ್ಸ್ ನಲ್ಲಿ ಶೂಟಿಂಗ್ ಮಾಡುವ ಸೌಲಭ್ಯ, ಲೋ ಲೈಟ್ ಫೋಟೋಗ್ರಾಫಿಗಾಗಿ ನೈಟ್ ಮೋಡ್ ಸೌಲಭ್ಯಗಳು ಈ ಹೊಸ ಸ್ಮಾರ್ಟ್ ಫೋನ್ ನಲ್ಲಿ ಸಿಗಲಿವೆ. 

ಮುಂಭಾಗದಲ್ಲಿ 32 ಎಂಪಿ ಕ್ಯಾಮರಾವಿದ್ದು, 4 ಕೆ ವಿಡಿಯೋ ರೆಕಾರ್ಡಿಂಗ್ ಗೆ ಅನುಕೂಲಕರವಾಗಿದೆ. ಎಕ್ಸಿನೋಸ್ 9611 ಪ್ರೊಸೆಸರ್, 6 ಜಿಬಿ RAM 128 ಜಿಬಿ ಸ್ಟೋರೇಜ್, 512 ಜಿಬಿ ವರೆಗೆ ವಿಸ್ತರಿಸಬಹುದಾದ ಸಾಮರ್ಥ್ಯವನ್ನು ಈ ಮೊಬೈಲ್ ಹೊಂದಿದೆ.