ಬೆಂಗಳೂರು: ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್ ಬೆಂಗಳೂರಿನ (IIM-B) 500 ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಈ ವರ್ಷ ಉದ್ಯೋಗ ನೇಮಕಾತಿ ಸಮಯದಲ್ಲಿ 163 ಕಂಪನಿಗಳಲ್ಲಿ ಯಶಸ್ವಿಯಾಗಿ ಕೆಲಸ ಗಿಟ್ಟಿಸಿಕೊಂಡಿದ್ದಾರೆ.

ಭಾರತದಲ್ಲಿ 487 ವಿದ್ಯಾರ್ಥಿಗಳು ಕೆಲಸ ಮಾಡುತ್ತಿದ್ದರೆ, 29 ಮಂದಿ ವಿದೇಶಗಳಲ್ಲಿ ಕೆಲಸ ಪಡೆದಿದ್ದಾರೆ. ಅದರಲ್ಲಿ ಇನ್ಫೋಸಿಸ್ ಕನ್ಸಲ್ಟಿಂಗ್ (7), ಸ್ಟ್ರಾಟಜಿ ಮತ್ತು ಮಿಡಲ್ ಈಸ್ಟ್ (6), ಜಿಂದಾಲ್ ಶದೀದ್ (5), ಟ್ರಾನ್ಸ್‌ಫಾರ್ಮೇಷನ್‌ಎಕ್ಸ್ (3), ಇವೈ ಪಾರ್ಥೆನಾನ್ ಸಿಂಗಾಪುರ್ (2), ಜೆಪಿ ಮೋರ್ಗಾನ್ ಚೇಸ್ ಲಂಡನ್‌ನೊಂದಿಗೆ ವಿದೇಶದಲ್ಲಿ ಇಬ್ಬರು ಸ್ಥಾನ ಪಡೆದಿದ್ದಾರೆ. ಹೆಲ್ತ್ ಸಿಟಿ ಕೇಮನ್ ಐಲ್ಯಾಂಡ್ಸ್ (2), ಫಾಸ್ಟ್ ರಿಟೇಲಿಂಗ್, ಜಪಾನ್ ನಲ್ಲಿ ಒಬ್ಬರು ಮತ್ತು ಲ್ಯಾಂಡ್‌ಮಾರ್ಕ್ ಗ್ರೂಪ್, ಮಧ್ಯಪ್ರಾಚ್ಯದಲ್ಲಿ ಒಬ್ಬರು ವಿದ್ಯಾರ್ಥಿಗಳನ್ನು ಆಯ್ಕೆ ಮಾಡಿದೆ.

ನೇಮಕಗೊಂಡವರಿಗೆ ಸರಾಸರಿ ವೇತನವು ವಾರ್ಷಿಕ 32.5 ಲಕ್ಷ ರೂಪಾಯಿಗಳಾಗಿದೆ. ವಿದ್ಯಾರ್ಥಿಗಳು 2024ರಲ್ಲಿ ವ್ಯವಹಾರ ಅನಾಲಿಟಿಕ್ಸ್‌ನಲ್ಲಿ ಸ್ನಾತಕೋತ್ತರ ಕಾರ್ಯಕ್ರಮ (PGPBA) ಮತ್ತು ಮ್ಯಾನೇಜ್‌ಮೆಂಟ್‌ನಲ್ಲಿ ಸ್ನಾತಕೋತ್ತರ ಕಾರ್ಯಕ್ರಮ (PGP)ಕ್ಕೆ ದಾಖಲಾಗಿದ್ದರು.

516 ಕೊಡುಗೆಗಳಲ್ಲಿ ಹೆಚ್ಚಿನವು ಸಲಹಾ ಸಂಸ್ಥೆಗಳಿಂದ ಬಂದವು, 218 ವಿದ್ಯಾರ್ಥಿಗಳನ್ನು ಮತ್ತು 81 ಹಣಕಾಸು, ಬ್ಯಾಂಕಿಂಗ್ ಮತ್ತು ಹೂಡಿಕೆ ಕ್ಷೇತ್ರಗಳಿಂದ ಆಯ್ಕೆಮಾಡಲಾಗಿದೆ. ಐಐಎಂ-ಬಿ, ಕೆರಿಯರ್ ಡೆವಲಪ್‌ಮೆಂಟ್ ಸರ್ವೀಸಸ್‌ನ ಅಧ್ಯಕ್ಷ ಗಣೇಶ್ ಎನ್ ಪ್ರಭು, ಆಕ್ಸೆಂಚರ್‌ಗೆ ನಾವು ಅಪಾರವಾಗಿ ಕೃತಜ್ಞರಾಗಿರುತ್ತೇವೆ, ಏಕೆಂದರೆ ಅವರು ಐಐಎಂ-ಬಿ ವಿದ್ಯಾರ್ಥಿಗಳಲ್ಲಿ ಅದರ ಮೂರು ಘಟಕಗಳಲ್ಲಿ 58 ಮಂದಿಗೆ ಕೆಲಸ ನೀಡಿದ್ದಾರೆ. ಗ್ಲೋಬಲ್ ನೆಟ್‌ವರ್ಕ್ಸ್, ಇಂಡಿಯಾ ಮಾರ್ಕೆಟ್ಸ್ ಯೂನಿಟ್ ಮತ್ತು ಡೇಟಾ & ಎಐಯಲ್ಲಿ ಗುರುತಿಸಿಕೊಂಡಿದ್ದಾರೆ.

ಐಟಿ ಮತ್ತು ಇ-ಕಾಮರ್ಸ್ ಸಂಸ್ಥೆಗಳು ತಲಾ 49, ಉತ್ಪಾದನೆ ಮತ್ತು ಮೂಲಸೌಕರ್ಯ ಸಂಸ್ಥೆಗಳು 36, ಸಂಘಟಿತ ಸಂಸ್ಥೆಗಳು 30 ಮತ್ತು ಗ್ರಾಹಕ ಸರಕುಗಳು ಮತ್ತು ಚಿಲ್ಲರೆ ಸಂಸ್ಥೆಗಳು 28 ಮಂದಿಗೆ ಉದ್ಯೋಗಾವಕಾಶ ನೀಡಿದೆ. ಅಲ್ಲದೆ, ವಿಶ್ಲೇಷಣೆ ಮತ್ತು ಎಐ ಸಂಸ್ಥೆಗಳು 13 ಮಂದಿಗೆ ಮತ್ತು ಆರೋಗ್ಯ-ಸಂಬಂಧಿತ ಕಂಪನಿಗಳು 12 ಮಂದಿಗೆ ಉದ್ಯೋಗ ನೀಡಿವೆ.

ಆಕ್ಸೆಂಚರ್ ಗ್ಲೋಬಲ್ ನೆಟ್‌ವರ್ಕ್ಸ್, ಮೆಕಿನ್ಸೆ, ಬೋಸ್ಟನ್ ಕನ್ಸಲ್ಟಿಂಗ್ ಗ್ರೂಪ್, ಪಿಡಬ್ಲ್ಯೂಸಿ ಕನ್ಸಲ್ಟಿಂಗ್, ಟಿಸಿಎಸ್ ಮ್ಯಾನೇಜ್‌ಮೆಂಟ್ ಕನ್ಸಲ್ಟಿಂಗ್, ಬೈನ್ ಮತ್ತು ಕಂಪನಿ, ಇವೈ ಇಂಡಿಯಾ, ಡೆಲಾಯ್ಟ್ ಮತ್ತು ಇನ್ನೂ ಅನೇಕ ಕಂಪನಿಗಳು ಪ್ಲೇಸ್‌ಮೆಂಟ್ ಸೀಸನ್‌ಗಾಗಿ ಬಂದ ಕೆಲವು ಕಂಪನಿಗಳು. ಹಣಕಾಸು ಸಂಸ್ಥೆಗಳಾದ ಗೋಲ್ಡ್‌ಮನ್ ಸ್ಯಾಚ್ಸ್, ಆಕ್ಸಿಸ್ ಬ್ಯಾಂಕ್, ಬಜಾಜ್ ಫಿನ್‌ಸರ್ವ್, ಸಿಟಿ ಬ್ಯಾಂಕ್, ಕೋಟಕ್ ಮಹೀಂದ್ರಾ ಬ್ಯಾಂಕ್ ಮತ್ತು ಇತರ ಬಹುರಾಷ್ಟ್ರೀಯ ಕಂಪನಿಗಳು ಸಹ ಅಭ್ಯರ್ಥಿಗಳನ್ನು ಆಯ್ಕೆ ಮಾಡಿಕೊಂಡಿವೆ. ಟೆಕ್ ಕಂಪನಿಗಳಿಂದ, ಮೈಕ್ರೋಸಾಫ್ಟ್, ಎಚ್‌ಸಿಎಲ್ ಟೆಕ್, ಸೇಲ್ಸ್‌ಫೋರ್ಸ್, ಟೆಕ್ ಮಹೀಂದ್ರಾ ಮತ್ತು ಅನ್ ಅಕಾಡೆಮಿ ವಿದ್ಯಾರ್ಥಿಗಳನ್ನು ಆಯ್ಕೆ ಮಾಡಿಕೊಂಡಿವೆ.

ಅದಾನಿ ಗ್ರೂಪ್, ರಿಲಯನ್ಸ್ ಇಂಡಸ್ಟ್ರೀಸ್, ವೇದಾಂತ, ಏರ್ ಇಂಡಿಯಾ, ಸಿಕೆ ಬಿರ್ಲಾ ಗ್ರೂಪ್, ಆದಿತ್ಯ ಬಿರ್ಲಾ ಗ್ರೂಪ್, ಟಾಟಾ ಅಡ್ಮಿನಿಸ್ಟ್ರೇಟಿವ್ ಸರ್ವಿಸಸ್ ಮತ್ತು ಮಹೀಂದ್ರಾ & ಮಹೀಂದ್ರಾ ಮುಂತಾದ ಎಂಟು ಸಂಘಟಿತ ಸಂಸ್ಥೆಗಳು 30 ಮಂದಿಗೆ ಉದ್ಯೋಗಾವಕಾಶ ಕಲ್ಪಿಸಿವೆ.