ಸಾಂದರ್ಭಿಕ ಚಿತ್ರ  
ವಾಣಿಜ್ಯ

90 ದಿನಗಳ ಸುಂಕ ವಿರಾಮ ಘೋಷಿಸಿದ ಡೊನಾಲ್ಡ್ ಟ್ರಂಪ್: ಏಷ್ಯಾ ಷೇರುಪೇಟೆ ಜಿಗಿತ

ಆಸ್ಟ್ರೇಲಿಯಾದ S&P/ASX 200 ಶೇಕಡಾ 5.1ರಷ್ಟು ಜಿಗಿದು 7,748.00 ಕ್ಕೆ ತಲುಪಿತು. ದಕ್ಷಿಣ ಕೊರಿಯಾದ ಕೋಸ್ಪಿ ಶೇಕಡಾ 5.2ರಷ್ಟು ಏರಿಕೆಯಾಗಿ 2,412.80 ಕ್ಕೆ ತಲುಪಿತು.

ಟೋಕಿಯೊ: ಅಮೆರಿಕ ಸುಂಕ ಸಮರದಿಂದ ನೆಲಕಚ್ಚಿದ್ದ ಷೇರುಪೇಟೆ ಸಂವೇದಿ ಸೂಚ್ಯಂಕ ಇಂದು ಗುರುವಾರದ ಆರಂಭಿಕ ವಹಿವಾಟಿನಲ್ಲಿ ಏಷ್ಯಾದ ಷೇರುಗಳು ಏರಿಕೆ ಕಂಡಿವೆ, ಟೋಕಿಯೊ ವಿನಿಮಯ ಕೇಂದ್ರ ಪ್ರಾರಂಭವಾದ ತಕ್ಷಣ ಜಪಾನ್‌ ಷೇರುಪೇಟೆ 2,000 ಕ್ಕೂ ಹೆಚ್ಚು ಪಾಯಿಂಟ್‌ಗಳಿಗಿಂತ ಹೆಚ್ಚು ಜಿಗಿದಿತು, ಹೂಡಿಕೆದಾರರು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಹೆಚ್ಚಿನ ಸುಂಕಗಳನ್ನು ಹಿಂತೆಗೆದುಕೊಳ್ಳುವ ನಿರ್ಧಾರವನ್ನು ಸ್ವಾಗತಿಸಿದ್ದಾರೆ.

ನಿನ್ನೆ ಬುಧವಾರದಂದು ಅಮೆರಿಕದ ಷೇರುಗಳು ವಾಲ್ ಸ್ಟ್ರೀಟ್‌ನಲ್ಲಿ ಇತಿಹಾಸದಲ್ಲಿ ಅತ್ಯುತ್ತಮ ದಿನಗಳಲ್ಲಿ ಒಂದನ್ನು ಹೊಂದಿದ್ದವು, ಅಲ್ಲಿ ಟ್ರಂಪ್ ಸುಂಕಗಳನ್ನು ಕಡಿಮೆ ಮಾಡುತ್ತಾರೆ ಎಂಬ ಹೂಡಿಕೆದಾರರ ಭರವಸೆ ಹೆಚ್ಚಿತ್ತು, ಇಂದು ಗುರುವಾರ, ಜಪಾನ್‌ನ ಷೇರುಪೇಟೆ ನಿಕ್ಕಿ 225 ಬೆಳಗಿನ ವಹಿವಾಟಿನಲ್ಲಿ ಶೇಕಡಾ 8.8ರಷ್ಟು ಜಿಗಿದು 34,510.86 ಕ್ಕೆ ತಲುಪಿತು.

ಆಸ್ಟ್ರೇಲಿಯಾದ S&P/ASX 200 ಶೇಕಡಾ 5.1ರಷ್ಟು ಜಿಗಿದು 7,748.00 ಕ್ಕೆ ತಲುಪಿತು. ದಕ್ಷಿಣ ಕೊರಿಯಾದ ಕೋಸ್ಪಿ ಶೇಕಡಾ 5.2ರಷ್ಟು ಏರಿಕೆಯಾಗಿ 2,412.80 ಕ್ಕೆ ತಲುಪಿತು. ಹಾಂಗ್ ಕಾಂಗ್ ಮತ್ತು ಶಾಂಘೈ ಮಾರುಕಟ್ಟೆಗಳು ಚೇತರಿಕೆ ಕಂಡವು. ಕಳೆದ ಐದು ದಿನಗಳಲ್ಲಿ ಹ್ಯಾಂಗ್ ಸೆಂಗ್ ಸೂಚ್ಯಂಕ ಗಣನೀಯವಾಗಿ ಕುಸಿದಿದ್ದು, ಇತರ ಪ್ರಾದೇಶಿಕ ಸೂಚ್ಯಂಕಗಳಂತೆ ಚೇತರಿಕೆಯ ನಿರೀಕ್ಷೆಯಿದೆ.

ವಾಲ್ ಸ್ಟ್ರೀಟ್‌ನಲ್ಲಿ, ಎಸ್ & ಪಿ 500 ಶೇಕಡಾ 9.5 ರಷ್ಟು ಏರಿಕೆಯಾಗಿದೆ, ಇದು ಮಾರುಕಟ್ಟೆಗೆ ಉತ್ತಮ ವರ್ಷವೆಂದು ಪರಿಗಣಿಸಬಹುದಾದ ಮೊತ್ತವಾಗಿದೆ. ಟ್ರಂಪ್ ಅವರ ಸುಂಕ ಸಮರವು ಜಾಗತಿಕ ಆರ್ಥಿಕತೆಯನ್ನು ಆರ್ಥಿಕ ಹಿಂಜರಿತಕ್ಕೆ ಎಳೆಯಬಹುದು ಎಂಬ ಆತಂಕದಿಂದ ಅದು ದಿನದ ಆರಂಭದಲ್ಲಿ ಕುಸಿಯುತ್ತಿತ್ತು.

90 ದಿನಗಳ ವಿರಾಮ

ಮಹತ್ವದ ಬೆಳವಣಿಗೆಯಲ್ಲಿ ಜಗತ್ತಿನ ಹಲವು ದೇಶಗಳ ಕೆಂಗಣ್ಣಿಗೆ ಗುರಿಯಾಗಿರುವ ಅಮೆರಿಕದ ನೂತನ ಸುಂಕ ಹೇರಿಕೆ ಪ್ರಕ್ರಿಯೆಗೆ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ (Donald Trump) 90 ದಿನಗಳ ತಾತ್ಕಾಲಿಕ ವಿರಾಮ ಘೋಷಿಸಿದ್ದಾರೆ.

ಯುಎಸ್‌ ಷೇರುಪೇಟೆಯಲ್ಲಿ ಅತಿದೊಡ್ಡ ಜಿಗಿತ

ಡೊನಾಲ್ಡ್ ಟ್ರಂಪ್ ಹೆಚ್ಚಿನ ಸುಂಕ ದರಗಳಿಗೆ 90 ದಿನಗಳ ವಿರಾಮ ಮತ್ತು ಚೀನಾದ ಸರಕುಗಳ ಮೇಲಿನ ಸುಂಕವನ್ನು ಹೆಚ್ಚಿಸಿದ ಬಳಿಕ ಎಸ್ & ಪಿ 9.5% ಏರಿಕೆಯೊಂದಿಗೆ ನಿನ್ನೆ ಮುಕ್ತಾಯಗೊಂಡಿದ್ದರೆ, ನಾಸ್ಡಾಕ್ 12% ಏರಿಕೆಯಾಗಿ 100 ಅಂಕಗಳನ್ನು ಗಳಿಸಿತು. ಡೌ ಜೋನ್ಸ್ ಕೈಗಾರಿಕಾ ಸರಾಸರಿ ಸುಮಾರು 7.9% ರಷ್ಟು ಜಿಗಿತವನ್ನು ಕಂಡಿತು. ಒಂದೇ ದಿನದಲ್ಲಿ ಸುಮಾರು 30 ಬಿಲಿಯನ್ ಷೇರುಗಳು ವಹಿವಾಟು ನಡೆಸಿದ್ದು, ಇದು ಒಂದೇ ದಿನದ ದಾಖಲೆಯ ಅಂಕಿ ಅಂಶವಾಗಿದೆ.

Follow KannadaPrabha channel on WhatsApp

  

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

  

Subscribe to KannadaPrabha YouTube Channel and watch Videos

ಭಾರತದ ಪರಂಪರೆ ಸಹೋದರತ್ವದಲ್ಲಿ ಬೇರೂರಿದೆ; ಸಂಘರ್ಷವು ನಮ್ಮ ಸ್ವಭಾವದಲ್ಲಿಲ್ಲ: RSS ಮುಖ್ಯಸ್ಥ ಮೋಹನ್ ಭಾಗವತ್

ಆಕ್ಷೇಪಾರ್ಹ ಸ್ಥಿತಿಯಲ್ಲಿ ತಾಯಿ, ಆಕೆಯ 'ಪ್ರೇಮಿ': ಇಬ್ಬರನ್ನೂ ಕೊಂದು, ಶವದೊಂದಿಗೆ ಠಾಣೆಗೆ ಬಂದ ಪುತ್ರ!

ಸ್ಲೀಪರ್ ಬಸ್ ಗೆ ಬೆಂಕಿ: ಪೊಲೀಸ್ ಸಿಬ್ಬಂದಿಗಳ ಸಾಹಸದಿಂದ 43 ಮಂದಿ ರಕ್ಷಣೆ, Video Viral

ಉತ್ತರ ಕರ್ನಾಟಕದ ಸಮಸ್ಯೆಗಳ ಬಗ್ಗೆ ಚರ್ಚಿಸಲು ಬೆಳಗಾವಿ ಅಧಿವೇಶನ ವಿಸ್ತರಿಸುವಂತೆ ಬಿಜೆಪಿ ಆಗ್ರಹ

ದಿತ್ವಾ ಚಂಡಮಾರುತ: ಲಂಕಾದಲ್ಲಿ ಧಾರಾಕಾರ ಮಳೆ, ಪ್ರವಾಹಕ್ಕೆ 123 ಮಂದಿ ಸಾವು, 130 ಮಂದಿ ನಾಪತ್ತೆ!

SCROLL FOR NEXT