ಮುಂಬೈ: ಅಣ್ಣ ತಂಗಿಯ ಬಾಂಧ್ಯವ್ಯವನ್ನು ಸಾರುವಂತಹ ನೂರಾರು ಚಿತ್ರಗಳು ಬಾಲಿವುಡ್ ನಲ್ಲಿ ಬಂದುಹೋಗಿವೆ. ಆದರೆ ಇದೇ ಬಾಲಿವುಡ್ ನಟನೊಬ್ಬ ತನ್ನ ಸಹೋದರಿಯನ್ನು ನೋಡಲು ಬರೊಬ್ಬರಿ 15 ವರ್ಷಗಳೇ ಬೇಕಾಯಿತು ಎಂದರೆ ನೀವು ನಂಬಲೇಬೇಕು.
ಇಷ್ಟಕ್ಕೂ ಯಾರಪ್ಪ ಈ ನಟ ಅಂದರೆ ಆತ ಬೇರಾರು ಅಲ್ಲ ಖ್ಯಾತ ಗೀತರಚನೆಕಾರ, ಗಾಯಕ ಮುಖೇಶ್ ಅವರ ಮೊಮ್ಮಗ ಮತ್ತು ಬಾಲಿವುಡ್ ನ ಖ್ಯಾತ ನಟ ನೀಲ್ ನಿತಿನ್ ಮುಖೇಶ್. ಖಳನಾಯಕನಾಗಿ ಬಾಲಿವುಡ್ ಗೆ ಎಂಟ್ರಿ ಕೊಟ್ಟಿದ್ದ ನೀಲ್ ನಿತಿನ್ 2007 ರಲ್ಲಿ ಜಾನಿ ಗದ್ದರ್ ಚಿತ್ರದ ಮೂಲಕ ಹೀರೊ ಆಗಿ ಕಾಣಿಸಿಕೊಂಡರು. ಆ ಬಳಿಕ ಸಾಲು ಸಾಲು ಚಿತ್ರಗಳಲ್ಲಿ ಅಭಿನಯಿಸಿದ ಈ ನಟ ಜೈಲ್, ನ್ಯೂಯಾರ್ಕ್, ಲಫಂಗೆ ಪರಿಂದೇ ಮೊದಲಾದ ಚಿತ್ರಗಳಲ್ಲಿ ನಟಿಸಿದರು. ಆದರೆ ಅದೃಷ್ಟ ಮಾತ್ರ ನೀಲ್ ಕೈಹಿಡಿಯಲಿಲ್ಲ.
ತಮಿಳಿನ ಸೂಪರ್ ಹಿಟ್ ಕತ್ತಿ ಚಿತ್ರದಲ್ಲಿ ಕಾರ್ಪೊರೇಟ್ ವಿಲನ್ ಆಗಿ ಕಾಣಿಸಿಕೊಂಡಿದ್ದ ನೀಲ್ ಕೊನೆಗೂ ಪ್ರೇಕ್ಷಕರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದ್ದರು. ಈ ಚಿತ್ರದ ಯಶಸ್ಸಿನ ಬೆನ್ನಲ್ಲೇ ನೀಲ್ ಗೆ ಬಾಲಿವುಡ್ ನಲ್ಲಿ ಅವಕಾಶಗಳು ಕೈಬೀಸಿ ಕರೆಯುತ್ತಿವೆ. ನೀಲ್ ನಿತಿನ್ ಸದ್ಯ ಸಲ್ಮಾನ್ ಖಾನ್ ಜೊತೆ ಪ್ರೇಮ್ ರತನ್ ಧನ್ ಪಾಯೋ ಚಿತ್ರದಲ್ಲಿ ನಟಿಸುತ್ತಿದ್ದು, ಇದೇ ಚಿತ್ರದ ಚಿತ್ರೀಕರಣಕ್ಕಾಗಿ ಸಿಂಗಪೂರ್ ತೆರಳಿದ್ದ ನೀಲ್ ನಿತಿನ್ ಗೆ ಈ ವೇಳೆ ತಮ್ಮ ಸಹೋದರಿ (ಚಿಕ್ಕಪ್ಪ ಅಥವಾ ದೊಡ್ಡಪ್ಪನ ಮಗಳು) ಸಿಂಗಪೂರದಲ್ಲಿ ವಾಸಿಸುತ್ತಿರುವುದು ನೆನಪಾಗಿದೆ. ಕೂಡಲೇ ಸಹೋದರಿ ಮನೆಗೆ ತೆರಳಿದ ನೀಲ್ ಆಕೆಯ ಕುಟುಂಬದೊಂದಿಗೆ 7 ದಿನಕಳೆದಿದ್ದಾರೆ. ಅಲ್ಲಕೆ ಕುಟುಂಬದ ಪ್ರತಿಯೊಬ್ಬರನ್ನೂ ಚಿತ್ರೀಕರಣಕ್ಕೆ ಕರೆದುಕೊಂಡು ಹೋದರಂತೆ.
15 ವರ್ಷಗಳ ನಂತರ ಸಹೋದರಿಯನ್ನು ನೋಡಿದ ನೀಲ್ ಇನ್ನು ಮುಂದೆ ಇಷ್ಟೊಂದು ಗ್ಯಾಪ್ ಕೊಡಲ್ಲ. ಆಗಾಗ ಬಂದು ಹೋಗುತ್ತೇನೆ ಅಂದಿದ್ದಾರೆ.