ಮುಂಬೈ: ಬಾಲಿವುಡ್ ನಟ ಅಮೀರ್ ಖಾನ್ ಅವರ 'ದಂಗಲ್' ಚಲನಚಿತ್ರದ ಮೊದಲ ನೋಟ ಬಿಡುಗಡೆಯಾಗಿದ್ದು, ಕೆಸರು ಕುಸ್ತಿಯಾಟದಿಂದ ಎದ್ದಿರುವ ಭೀಬತ್ಸ ಮುಖದಂತೆ ಕಾಣುವ ಚಿತ್ರವನ್ನು ಅವರು ಹಂಚಿಕೊಂಡಿದ್ದಾರೆ.
ಕುಸ್ತಿ ಪಟುವಿನ ದೇಹಕ್ಕಾಗಿ ಅಮೀರ್ ಅವರು ತೀವ್ರ ತರಬೇತಿ ಪಡೆದಿದ್ದಾರೆ ಎಂದು ತಿಳಿದುಬಂದಿದೆ. ಅವರು ಈ ಸಿನೆಮಾದ ಮೊದಲ ನೋಟವನ್ನು ಟ್ವಿಟ್ಟರ್ನಲ್ಲಿ ಸೋಮವಾರ ಹಂಚಿಕೊಂಡಿದ್ದಾರೆ.
ನಿತೇಶ್ ತಿವಾರಿ ನಿರ್ದೇಶಿಸುತ್ತಿರುವ ಈ ಸಿನೆಮಾಗೆ ಅಮೀರ್ ಖಾನ್ ಅವರ ತೂಕ ಆಗಾಗ ಬದಲಾಗುತ್ತಿದ್ದಕ್ಕೆ ಅವರ ಕುಟುಂಬ ಆತಂಕ ಪಟ್ಟಿತ್ತು ಎಂದು ತಿಳಿದುಬಂದಿದೆ.
ಅಮೀರ್, ಕಿರಣ್ ರಾವ್, ಸಿದ್ಧಾರ್ಥ್ ರಾಯ್ ಕಪೂರ್ ನಿರ್ದೇಶನ 'ದಂಗಲ್' ಕುಸ್ತಿಪಟು ಮಹಾವೀರ್ ಪೋಘಟ್ ಜೀವನಾಧಾರಿತ ಕಥೆ ಎನ್ನಲಾಗಿದೆ.