ಮುಂಬೈ: ಬಹುಭಾಷಾ ಗಾಯಕ ಬೆನ್ನಿ ದಯಾಲ್ ತಮ್ಮ ಸ್ನೇಹಿತೆ ಕ್ಯಾಥರೀನ್ ತಂಗಮ್  ಅವರ  ಕೈ ಹಿಡಿಯುವ ಮೂಲಕ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಸಂಗೀತ ನಿರ್ದೇಶಕ ವಿಶಾಲ್ ದಡ್ಲಾನಿ ಟ್ವೀಟ್ ಮಾಡುವ ಮೂಲಕ ಬೆನ್ನಿ ದಯಾಲ್ ವಿವಾಹವನ್ನು ಖಚಿತ ಪಡಿಸಿದ್ದಾರೆ. 32 ವರ್ಷದ ಬ್ಯಾಂಗ್ ಬ್ಯಾಂಗ್ ಗಾಯಕ ದಯಾಲ್ ಸಾಂಪ್ರದಾಯಿಕ ದೋತಿ – ಕುರ್ತಾದಲ್ಲಿ ಹಾಕಿದ್ದರು. ಇವರ ವಿವಾಹ ಸಂಭ್ರಮಕ್ಕೆ ವಿಶಾಲ್ ದಡ್ಲಾನಿ ಸಾಕ್ಷಿಯಾಗಿದ್ದು, ಬಾಲಿವುಡ್​ನ ಸ್ಟಾರ್ ನಟ-ನಟಿಯರು ಈ ಗಾಯಕನಿಗೆ ವಿವಾಹದ ಶುಭಾಶಯ ಕೋರಿದ್ದಾರೆ.

ತಮಿಳು, ತೆಲಗು, ಹಿಂದಿ, ಕನ್ನಡ, ಮಲಯಾಳಂ ಭಾಷೆಗಳಲ್ಲಿ ನೂರಕ್ಕೂ ಅಧಿಕ ಹಾಡುಗಳನ್ನು ಬೆನ್ನಿ ದಯಾಲ್ ಹಾಡಿದ್ದು, ಹಿಂದಿಯ ಪಪ್ಪು ಕಾಂಟ್ ಡಾನ್ಸ್ ಸಾಲಾ, ಕೈಸೆ ಮುಜೆ, ದಾರು ದೈಸಿ, ಏಕ್ ಮೈನ್ ಔರ್ ಏಕ್ ತು, ಬತ್ತಮಿಜ್ ದಿಲ್, ಲತ್ ಲಗ್ ಗಯಿ ಸೇರಿದಂತೆ ಹಲವಾರು ಜನಪ್ರಿಯ ಗೀತೆಗಳನ್ನು ಹಾಡಿದ್ದಾರೆ.

ಕನ್ನಡದಲ್ಲಿ ಲವ್ ಗುರು ಚಿತ್ರದ- ತಂಗಾಳಿ ತನ್ನೆದೆಯಲ್ಲಿ, ಉಲ್ಲಾಸ ಉತ್ಸಾಹ – ಚಕೋರಿ ಚಕೋರಿ, ಮಸ್ತ್ ಮಜಾ ಮಾಡಿ- ಜಣ ಜಣ ಕಾಂಚಾಣ ಸೇರಿದಂತೆ ಹಲವು ಹಾಡುಗಳು ಇವರ ಕಂಠ ಸಿರಿಯಲ್ಲಿ ಮೂಡಿಬಂದಿವೆ.