ಮುಂಬಯಿ: ಬಾಲಿವುಡ್ ಸೂಪರ್ ಜೋಡಿ ಎಂದು ಹೆಸರಾಗಿರುವ ದೀಪಿಕಾ ಪಡುಕೋಣೆ ಮತ್ತು ರಣ್ವೀರ್ ಸಿಂಗ್ ಬಗ್ಗೆ ಹಲವು ಗಾಳಿ ಸುದ್ದಿಗಳು ಕೇಳಿ ಬರುತ್ತಲೇ ಇರುತ್ತವೆ.

ಇಬ್ಬರ ಲವ್ ಬ್ರೇಕ್ ಅಪ್ ಆಗಿದೆ ಎಂದು ಮಾಧ್ಯಮಗಳಲ್ಲಿ ವರದಿಯಾಗಿತ್ತು. ಆದರೆ ತಮ್ಮ ಲವ್ ಅಫೇರ್ ಬಗ್ಗೆಯಾಗಲಿ ಅಥವಾ ಬ್ರೇಕ್ ಅಪ್ ಬಗ್ಗೆಯಾಗಲಿ ಇಬ್ಬರೂ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

ಇತ್ತೀಚೆಗೆ ನಟಿ ನೇಹಾ ಧೂಪಿಯಾ ನಡೆಸಿಕೊಡುವ ನೋ ಪಿಲ್ಟರ್ ನೇಹಾ ಎಂಬ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ರಣ್ವೀರ್ ಸಿಂಗ್, ದೀಪಿಕಾ ಬಗ್ಗೆ ಮಾತನಾಡಿದ್ದಾರೆ. ನಿಮ್ಮ ಪ್ರಕಾರ ಯಾರು ಉತ್ತಮವಾಗಿ ಚುಂಬಿಸುತ್ತಾರೆ ಎಂದು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ರಣ್ವೀರ್ ದೀಪಿಕಾ ಪಡುಕೋಣೆ ಬೆಸ್ಟ್ ಕಿಸ್ಸರ್ ಎಂದು ಹೇಳುವ ಮೂಲಕ ಎಲ್ಲರ ಹುಬ್ಬೇರುವಂತೆ ಮಾಡಿದ್ದಾರೆ. ಇಬ್ಬರು ಕಲಾವಿದರು ಬೇರಾಗದೇ ಒಟ್ಟಿಗೆ ಇರಲಿ ಎಂಬುದು ಅವರ ಅಭಿಮಾನಿಗಳು ಆಶಯವಾಗಿದೆ.