ಮುಂಬೈ: ಕನ್ನಡದಲ್ಲಿ 'ರಾಜಕುಮಾರ', 'ಆರೆಂಜ್' ಸಿನಿಮಾಗಳಲ್ಲಿ ಅಭಿನಯಿಸಿರುವ ತಾರೆ ಪ್ರಿಯಾ ಆನಂದ್ ಜೊತೆ ನಟಿಸಿದವರು ದುರಾದೃಷ್ಟವಂತರು ಎಂದು ಟ್ವಿಟ್ಟರ್ ನಲ್ಲಿ ಹೇಳಿ ಅದಕ್ಕೆ ಸೂಕ್ತವಾಗಿ ಪ್ರಿಯಾ ಆನಂದ್ ಟ್ವೀಟ್ ನಲ್ಲಿ ಉತ್ತರ ಕೊಟ್ಟಿರುವುದು ಇದೀಗ ಭಾರೀ ಸುದ್ದಿಯಾಗಿದೆ.
'ಇಂಗ್ಲಿಷ್ ವಿಂಗ್ಲಿಷ್' ಸಿನಿಮಾದಲ್ಲಿ ಶ್ರೀದೇವಿ ಜತೆಗೆ ಪ್ರಿಯಾ ಆನಂದ್ ನಟಿಸಿದ್ದಾರೆ. ಕಳೆದ ವರ್ಷ ಶ್ರೀದೇವಿ ಅಕಾಲಿಕ ನಿಧನ ಹೊಂದಿದರು. ಇತ್ತೀಚೆಗೆ 'ಎಲ್‌ಕೆಜಿ' ಸಿನಿಮಾದಲ್ಲಿ ಪ್ರಿಯಾ ಆನಂದ್ ಜತೆಗೆ ನಟಿಸಿದ ಸಹ ನಟ ಜೆಕೆ ರಿತೀಶ್ ಈ ತಿಂಗಳ ಆರಂಭದಲ್ಲಿ ಹೃದಯಾಘಾತದಿಂದ ಮೃತಪಟ್ಟರು. ಅವರು ಅಪಶಕುನ ಇದ್ದಂತೆ. ಅವರ ಜತೆಗೆ ನಟಿಸಿದವರು ಮೃತ ಹೊಂದುತ್ತಾರೆ ಎಂದು ಆನಲಗನ್ ಎಂಬುವವನು ಟ್ವೀಟ್ ಮಾಡಿದ್ದನು.
ಇದನ್ನು ನೋಡಿದ ಪ್ರಿಯಾ ಆ ಟ್ವಿಟ್ ಮಾಡಿದರಿಗೆ ಪ್ರಿಯಾ ಆನಂದ್ ಸರಿಯಾಗಿ ಉತ್ತರ ನೀಡಿದ್ದಾರೆ"ನಿನ್ನಂತಹ ವ್ಯಕ್ತಿಗಳ ಮಾತುಗಳಿಗೆ ಸಾಮಾನ್ಯವಾಗಿ ನಾನು ಪ್ರತಿಕ್ರಿಯಿಸಲು ಹೋಗಲ್ಲ. ಆದರೆ ನಿನ್ನ ಹೇಳಿಕೆ ಕಠಿಣವಾದದ್ದು ಎಂದು ನಿನಗೆ ತಿಳಿಸಲು ಪ್ರತಿಕ್ರಿಯಿಸುತ್ತಿದ್ದೇನೆ. ಸಾಮಾಜಿಕ ಮಾಧ್ಯಮದಲ್ಲಿ ಇಂತಹ ಹೇಳಿಕೆಗಳನ್ನು ನೋಡಿ ಮೌನವಾಗಿ ಇರುವುದು ಸುಲಭ. ಆದರೆ ನಿನ್ನ ಮಾತಿನ ಮೂಲಕ ಜನ ಎಷ್ಟೆಲ್ಲಾ ಆತಂಕಕ್ಕೆ ಒಳಗಾಗುತ್ತಾರೆ ಎಂಬುದನ್ನು ಮೊದಲು ತಿಳಿದುಕೋ. ಇಂತಹ ಟ್ವೀಟ್‍ಗಳನ್ನು ಮಾಡುವ ಮುನ್ನ ಒಂದು ನಿಮಿಷ ಆಲೋಚಿಸು. ದಯೆ, ಮಾನವೀಯತೆಯಿಂದ ಆಲೋಚಿಸು" ಎಂದು ಪ್ರಿಯಾ ಪೋಸ್ಟ್ ಮಾಡಿದ್ದಾರೆ.