ಓಂ ರಾವುತ್ ನಿರ್ದೇಶಿಸಿದ ಬಹು ನಿರೀಕ್ಷಿತ ಪೌರಾಣಿಕ ಮಹಾಕಾವ್ಯ ಚಿತ್ರ ಆದಿಪುರುಷ ಜೂನ್ 16 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಯಿತು. ಪ್ರಭಾಸ್, ಕೃತಿ ಸನೋನ್ ಮತ್ತು ಸೈಫ್ ಅಲಿ ಖಾನ್ ನಟಿಸಿದ ಈ ಚಲನಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ಪ್ರಭಾವಶಾಲಿ ಆರಂಭ ಕಂಡಿದ್ದು ಮೊದಲ ದಿನವೇ ವಿಶ್ವದಾದ್ಯಂತ ರೂ 140 ಕೋಟಿ ಗಳಿಸಿತು. ಇನ್ನು ಎರಡನೇ ದಿನ 100 ಕೋಟಿ ಗಳಿಕೆ ಮಾಡಿದ್ದು ಒಟ್ಟಾರೆ ಎರಡು ದಿನದಲ್ಲಿ 240 ಕೋಟಿ ರೂಪಾಯಿ ಗಳಿಸಿದೆ ಎಂದು ನಿರ್ಮಾಪಕ ಸಂಸ್ಥೆ ಟಿ-ಸೀರಿಸ್ ಟ್ವೀಟ್ ಮಾಡಿದೆ.
ಆದಿಪುರುಷ ಬಿಡುಗಡೆಯಾದಾಗಿನಿಂದ ಸಾಕಷ್ಟು ಟೀಕೆಗಳು ಮತ್ತು ಟ್ರೋಲ್ ಗೆ ಗುರಿಯಾಗಿದೆ. ಮುಖ್ಯವಾಗಿ ಚಿತ್ರದಲ್ಲಿನ ದೃಶ್ಯಗಳು ಮತ್ತು ಸಂಭಾಷಣೆಯಿಂದಾಗಿ. ಛತ್ತೀಸ್ಗಢದ ಮನೇಂದ್ರಗಢ-ಚಿರ್ಮಿರಿ-ಭರತ್ಪುರ ಜಿಲ್ಲೆಯಲ್ಲಿ ಚಿತ್ರ ಪ್ರದರ್ಶನವನ್ನು ರಾಷ್ಟ್ರೀಯವಾಗಿ ನಿಷೇಧಿಸಬೇಕೆಂದು ಒತ್ತಾಯಿಸಿ ಪ್ರತಿಭಟನೆ ನಡೆಸಲಾಯಿತು. ಆದಾಗ್ಯೂ, ಮಿಶ್ರ ವಿಮರ್ಶೆಗಳ ಹೊರತಾಗಿಯೂ, ಚಲನಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ಇನ್ನೂ ಉತ್ತಮ ಪ್ರದರ್ಶನ ನೀಡಿದೆ. T-Series ಪ್ರಕಾರ, ಚಲನಚಿತ್ರವು ಎರಡನೇ ದಿನದಲ್ಲಿ ಪ್ರಪಂಚದಾದ್ಯಂತ ಒಟ್ಟು ರೂ 100 ಕೋಟಿ ಗಳಿಸಿತು, ಅದರ ಎರಡು ದಿನದ ಲಾಭವನ್ನು ಜಾಗತಿಕವಾಗಿ ರೂ 240 ಕೋಟಿ ಗಳಿದೆ. ಇದು ಪಠಾಣ್ನ ಎರಡು ದಿನದ ಕಲೆಕ್ಷನ್ 219 ಕೋಟಿಯನ್ನು ಹಿಂದಿಕ್ಕಿದೆ.
ಪ್ರಪಂಚದಾದ್ಯಂತದ ಒಟ್ಟು ಗಲ್ಲಾಪೆಟ್ಟಿಗೆಯ ಸಂಗ್ರಹಣೆಗಳ ವಿಷಯದಲ್ಲಿ ಆದಿಪುರುಷನ ಆರಂಭಿಕ ದಿನದ ಪ್ರದರ್ಶನವು ನಾಲ್ಕನೇ ಸ್ಥಾನದಲ್ಲಿದೆ. 222 ಕೋಟಿ ರೂಪಾಯಿಗಳೊಂದಿಗೆ RRR, Rs 214 ಕೋಟಿಗಳೊಂದಿಗೆ ಬಾಹುಬಲಿ 2: ದಿ ಕನ್ಕ್ಲೂಷನ್ ಮತ್ತು Rs 164.5 ಕೋಟಿಗಳೊಂದಿಗೆ KGF: ಅಧ್ಯಾಯ 2 ಪಟ್ಟಿಯಲ್ಲಿರುವ ಮೊದಲ ಮೂರು ಸಿನಿಮಾಗಳಾಗಿದೆ.
ಮಹಾಕಾವ್ಯ ರಾಮಾಯಣವನ್ನು ಆಧರಿಸಿದ ಈ ಚಿತ್ರದಲ್ಲಿ ಪ್ರಭಾಸ್ ರಾಘವನಾಗಿ, ಕೃತಿ ಸನೋನ್ ಜಾನಕಿಯಾಗಿ ಮತ್ತು ಸೈಫ್ ಅಲಿ ಖಾನ್ ರಾವಣನಾಗಿ ಕಾಣಿಸಿಕೊಂಡಿದ್ದಾರೆ. 500 ಕೋಟಿ ಬಜೆಟ್ನೊಂದಿಗೆ, ಚಿತ್ರದಲ್ಲಿ ಸನ್ನಿ ಸಿಂಗ್ ಮತ್ತು ದೇವದತ್ತ ನಾಗೆ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.