ಮುಂಬೈ: ಪಶ್ಟಿಮ ಏಷ್ಯಾ ರಾಷ್ಟ್ರಗಳಲ್ಲಿನ ಸಂಘರ್ಷ ಮತ್ತು ಇಂಧನ ಪೂರೈಕೆಯಲ್ಲಿನ ಅಸ್ತವ್ಯಸ್ಥತೆ ಕುರಿತು ಬಾಲಿವುಡ್ ನಟ ಬೊಮನ್ ಇರಾನಿ ಮಾಡಿರುವ 'ಶಾಂತಿ-ಸಂಧಾನ'ದ ಕುರಿತು ಇರಾನ್ ಮೂಲದ ನಟಿ ಮಂದಾನ ಕರಿಮಿ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.
ಮಧ್ಯಪ್ರಾಚ್ಯದಲ್ಲಿ ಹೆಚ್ಚುತ್ತಿರುವ ಉದ್ವಿಗ್ನತೆಗಳ ನಡುವೆ, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಶಾಂತಿ ಮಾತುಕತೆಗಳು ನಾಲ್ಕನೇ ವಾರದಲ್ಲಿ ನಡೆಯುತ್ತಿವೆ ಎಂದು ಜನಪ್ರಿಯ ಬಾಲಿವುಡ್ ನಟ ಬೋಮನ್ ಇರಾನಿ ಇನ್ಸ್ಟಾಗ್ರಾಮ್ನಲ್ಲಿ ವೀಡಿಯೊ ಹಂಚಿಕೊಂಡಿದ್ದಾರೆ.
ಬೊಮನ್ ಗ್ಯಾಸ್ ಸಿಲಿಂಡರ್ ಜೋಕ್ ಮೂಲಕ ಟ್ರಂಪ್ ಅವರನ್ನು ಟೀಕಿಸಿದರೆ, ಇರಾನಿನ ನಟಿ ಮಂದನಾ ಕರಿಮಿ ಯುದ್ಧದ ಸಮಯದಲ್ಲಿ ಸಾಮಾನ್ಯ ಇರಾನಿಯನ್ನರ ಸಾವಿನ ಬಗ್ಗೆ "ಮೌನ" ವಹಿಸಿದ್ದಕ್ಕಾಗಿ 3 ಈಡಿಯಟ್ಸ್ ನಟನನ್ನು ತೀವ್ರವಾಗಿ ಟೀಕಿಸಿದರು.
ಇಷ್ಟಕ್ಕೂ ನಟ ಬೊಮನ್ ಇರಾನಿ ಹೇಳಿದ್ದೇನು?
ತಮ್ಮ ಸಾಮಾಜಿಕ ಖಾತೆಯಲ್ಲಿ ನಟ ಬೊಮನ್ ಇರಾನಿ ವಿಡಿಯೊವೊಂದನ್ನು ಅಪ್ಲೋಡ್ ಮಾಡಿ ಮಧ್ಯಪ್ರಾಚ್ಯ ಸಂಘರ್ಷದಿಂದ ಉಂಟಾದ ಎಲ್ಪಿಜಿ-ಸಿಲಿಂಡರ್ ಬಿಕ್ಕಟ್ಟು ಕುರಿತು ಮಾತನಾಡಿದ್ದರು. "ನಿಮಗೆ ತಿಳಿದಿರುವಂತೆ, ಡೊನಾಲ್ಡ್ ಟ್ರಂಪ್ ಇರಾನಿಗಳೊಂದಿಗೆ ಮಾತನಾಡಲು ಬಯಸುತ್ತಾರೆ ಎಂಬುದು ವೈರಲ್ ಆಗುತ್ತಿದೆ.
ಇದಕ್ಕಾಗಿ ಮೂರು ಜನರನ್ನು ಕರೆಯಲಾಗಿದೆ. ಸ್ಮೃತಿ ಇರಾನಿ, ಅರುಣಾ ಇರಾನಿ ಮತ್ತು ನನ್ನೊಂದಿಗೆ, ಬೋಮನ್ ಇರಾನಿ ಅವರೊಂದಿಗೆ ಮಾತುಕತೆ ನಡೆಯುತ್ತಿದೆ. ಹಾಗಾಗಿ, ನಾನು ಸಿದ್ಧನಿದ್ದೇನೆ. ಶಾಂತಿಗಾಗಿ ನಾನು ಏನು ಬೇಕಾದರೂ ಮಾಡಲು ಸಿದ್ಧನಿದ್ದೇನೆ." ಎಂದು ಹೇಳಿದ್ದಾರೆ.
ದಾದರ್ ಪಾರ್ಸಿ ಕಾಲೋನಿಗೇ ಬಂದರೆ ಉತ್ತಮ
ಅಂತೆಯೇ, 'ನನಗೆ ಒಂದೇ ಒಂದು ಸಮಸ್ಯೆ ಇದೆ. ನಾನು ವಾಷಿಂಗ್ಟನ್ಗೆ ಹೋಗುವುದಿಲ್ಲ. ಟ್ರಂಪ್ ಸಾಬ್ ಮತ್ತು ಅವರ ನಿಯೋಗ ದಾದರ್ ಪಾರ್ಸಿ ಕಾಲೋನಿಗೆ ಬಂದರೆ ಉತ್ತಮ ಎಂದು ನಾನು ಭಾವಿಸುತ್ತೇನೆ. ನಾವು ಅವರಿಗೆ ಧನ್ಸಕ್, ಕಸ್ಟರ್ಡ್ ಮತ್ತು ಇತರ ಆಹಾರವನ್ನು ನೀಡುತ್ತೇವೆ.
ಆದರೆ ಅವರು ದೊಡ್ಡ ಗ್ಯಾಸ್ ಸಿಲಿಂಡರ್ ತಂದರೆ, ಅದು ನಮ್ಮೆಲ್ಲರ ಜೀವನವನ್ನು ತುಂಬಾ ಸುಗಮಗೊಳಿಸುತ್ತದೆ ಎಂದು ನಾನು ಭಾವಿಸುತ್ತೇನೆ" ಎಂದು ಬೊಮನ್ ವ್ಯಂಗ್ಯವಾಡುತ್ತಾ ನಕ್ಕಿರುವ ವಿಡಿಯೋ ವೈರಲ್ ಆಗುತ್ತಿದೆ.
ನಟನ ಈ ವಿಡಿಯೋ ಅನೇಕ ಸೆಲೆಬ್ರಿಟಿಗಳು ಕಾಮೆಂಟ್ಗಳಲ್ಲಿ ಜೋರಾಗಿ ನಗುವ ಎಮೋಜಿಗಳನ್ನು ಹಂಚಿಕೊಂಡಿದ್ದು, ನಟಿ ಮಂದನಾ ಕರಿಮಿ ಮಾತ್ರ ತೀಕ್ಷ್ಣವಾದ ಪ್ರತಿಕ್ರಿಯೆ ನೀಡಿದ್ದಾರೆ.
ಇರಾನಿಯನ್ನರು ಸಾಯುತ್ತಿದ್ದಾಗ ನೀವೆಲ್ಲಿದ್ರಿ..
ಇನ್ನು ಬೊಮನ್ ಇರಾನಿ ಅವರ ಈ ವಿಡಿಯೋ ಹೇಳಿಕೆಗೆ ನಟಿ ಹಾಗೂ ಇರಾನ್ ಮೂಲದ ಮಂದಾನ ಕರಿಮಿ ತೀಕ್ಷ್ಣ ಪ್ರತಿಕ್ರಿಯೆ ನೀಡಿದ್ದು, ಅದೇ ವಿಡಿಯೋಗೆ ಪ್ರತಿಕ್ರಿಯೆ ನೀಡಿದ್ದಾರೆ.
ನೇರವಾಗಿ ಬೊಮನ್ ಇರಾನಿ ಅವರ ವಿಡಿಯೋಗೆ ಕಮೆಂಟ್ ಮಾಡಿರುವ ನಟಿ ಮಂದಾನ ಕರಿಮಿ, "ಬೊಮನ್ ಇರಾನಿ ಸರ್... ಇದ್ದಕ್ಕಿದ್ದಂತೆ ನೀವು ಇರಾನ್ ಬಗ್ಗೆ ಹೇಳಲು ಬಹಳಷ್ಟು ಇದೆ. ಆಸಕ್ತಿದಾಯಕ ಸಮಯ. ವರ್ಷಗಳಿಂದ, ಇರಾನಿಯನ್ನರನ್ನು ಬಂಧಿಸಲಾಗುತ್ತಿದೆ, ಗಲ್ಲಿಗೇರಿಸಲಾಗುತ್ತಿದೆ ಮತ್ತು ಮೌನಗೊಳಿಸಲಾಗುತ್ತಿದೆ. ಸಾವಿರಾರು ಜನರನ್ನು ಕೊಲ್ಲಲಾಗಿದೆ. ಕುಟುಂಬಗಳು ಹರಿದು ಹೋಗಿವೆ. ನನ್ನಂತಹ ಜನರು ಇವುಗಳಿಗೆ ಸಾಕ್ಷಿಯಾಗಿ ಬದುಕಿದ್ದೇವೆ. ನಾವು ಅದರ ಬಗ್ಗೆ ಮಾತನಾಡಿದ್ದೇವೆ' ಎಂದು ಹೇಳಿದ್ದಾರೆ.
ಅಂತೆಯೇ 'ಆದರೆ ಈಗ... ಒಂದು ವೀಡಿಯೊ ಇದೆ. ಈಗ ಕಾಳಜಿ ಇದೆ. ಈಗ ಅನಿಲದ ಬಗ್ಗೆ, ಟ್ರಂಪ್ ಬಗ್ಗೆ, 'ನನ್ನ ಮನೆಗೆ ಬನ್ನಿ' ಎಂಬುದರ ಬಗ್ಗೆ ಹಾಸ್ಯವಿದೆ. ಸರ್, ಗೌರವದಿಂದ ಹೇಳಬೇಕೆಂದರೆ, ನೀವು ಮತ್ತು ಪಾರ್ಸಿ ಸಮುದಾಯ ಇರಾನ್ನಿಂದ ಬಂದವರು.
ನೀವು ಆ ಬೆಂಕಿ ಇತಿಹಾಸವನ್ನು ಹೊತ್ತಿದ್ದೀರಿ. . ಹಾಗಾದರೆ ಇರಾನಿಯನ್ನರು ಸಾಯುತ್ತಿರುವಾಗ ಈ ಧ್ವನಿ ಎಲ್ಲಿತ್ತು? ಮತ್ತು ಈಗ ಇದ್ದಕ್ಕಿದ್ದಂತೆ ಬರುತ್ತಿದೆಯಲ್ಲ..! ಅದು ಅನಿಲ, ರಾಜಕೀಯ, ಜಾಗತಿಕ ಮಾತುಕತೆಗಳ ಮೇಲೆ ಪರಿಣಾಮ ಬೀರುತ್ತದೆ - ವ್ಯಾಖ್ಯಾನವಿದೆಯೇ? ನನ್ನ ಪ್ರಕಾರ... ನಿಜವಾಗಿಯೂ ನಿಧಾನವಾದ ಚಪ್ಪಾಳೆ. ಮೌನದಿಂದ ವಿಡಂಬನೆಯವರೆಗೆ - ಅದು ವೇಗವಾಗಿತ್ತು. ಹೇಗಾದರೂ... ಕೇವಲ ಒಂದು ಅವಲೋಕನ ಅಷ್ಟೇ" ನಟಿ ಮಂದಾನ ಕರಿಮಿ ಪರೋಕ್ಷವಾಗಿ ಕಿಡಿಕಾರಿದ್ದಾರೆ.