ನವದೆಹಲಿ: ನಮ್ಮ ದೇಶದಿಂದ ಬರುವ ಪ್ರಶಸ್ತಿ ನನಗೆ ಅತ್ಯಂತ ಮುಖ್ಯವಾದದ್ದು ಎಂದು ಪದ್ಮ ಶ್ರೀ ಪ್ರಶಸ್ತಿ ಪಡೆದ ಸಂತಸದಲ್ಲಿ ತೇಲಾಡುತ್ತಿರುವ ಪ್ರೀಯಾಂಕ ಚೋಪ್ರಾ ಅವರು ಹೇಳಿಕೊಂಡಿದ್ದಾರೆ.
ಪ್ರಶಸ್ತಿ ಪಡೆದ ಸಂತಸದಲ್ಲಿ ಮಾಧ್ಯಮಗಳ ಕೆಲವು ಪ್ರಶ್ನೆಗಳಿಗೆ ಉತ್ತರ ನೀಡಿದ್ದಾರೆ. ಈಗಾಗಲೇ ಅಂತರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡುತ್ತಿರುವ ನಿಮಗೆ ಭಾರತದ ಪ್ರಶಸ್ತಿ ಎಷ್ಟು ಮುಖ್ಯವಾದದ್ದು ಎಂಬ ಪ್ರಶ್ನೆಗೆ ಉತ್ತರಿಸಿರುವ ಅವರು, ಸಂರಕ್ಷಿತ ಕುಟುಂಬದಲ್ಲಿ ಬೆಳೆದು ಬಂದಿರುವ ನನಗೆ ಭಾರತದಿಂದ ಬರುವ ಪ್ರಶಸ್ತಿ ಅತ್ಯಂತ ಮುಖ್ಯವಾದದ್ದು, ನನ್ನ ತಂದೆ ಅಶೋಕ್ ಚೋಪ್ರಾ ಅವರಿಗೆ ನನ್ನ ಬಗ್ಗೆ ಅತ್ಯಂತ ಹೆಮ್ಮೆಯಿದೆ ಎಂದು ಹೇಳಿದ್ದಾರೆ.
ಅಂತರಾಷ್ಟ್ರೀಯ ತಂಡದೊಂದಿಗೆ ನಾನು ಕೆಲಸ ಮಾಡುತ್ತಿದ್ದು, ಎರಡು ದಿನಗಳ ಕಾಲ ಶೂಟಿಂಗ್ ನ್ನು ನಿಲ್ಲಿಸಿ ಪ್ರಶಸ್ತಿ ಪಡೆಯುವ ಸಲುವಾಗಿ ಭಾರತಕ್ಕೆ ಬಂದಿದ್ದೇನೆ. ತಂಡ ವಾರಾಂತ್ಯದಲ್ಲಿ ದಿನಗಳಲ್ಲಿ ಚಿತ್ರೀಕರಣ ಮಾಡುವುದಿಲ್ಲ. ಆದರೆ, ಭಾರತದಿಂದ ಬಂದಿರುವ ಪ್ರಶಸ್ತಿ ನನಗೆ ಎಷ್ಟು ಮುಖ್ಯವಾದದ್ದು ಎಂಬುದನ್ನು ಅವರು ಅರ್ಥ ಮಾಡಿಕೊಂಡಿದ್ದಾರೆ.
ಇದೀಗ ತಂಡ ವಾರಾಂತ್ಯದ ದಿನಗಳಲ್ಲಿ ಚಿತ್ರೀಕರಣ ಮಾಡಲು ಮುಂದಾಗಿದೆ.
ಬಾಲಿವುಡ್ ನ ಮೇರಿ ಕೋಮ್ ಸ್ಟಾರ್ ನಟಿ ಇತ್ತೀಚಿನ ದಿನಗಳಲ್ಲಿ ಅಂತರಾಷ್ಟ್ರೀಯ ಮಟ್ಟದಲ್ಲೂ ಖ್ಯಾತಿ ಪಡೆಯುತ್ತಿದ್ದು, ಅಮೆರಿಕದ ಬಹು ನಿರೀಕ್ಷಿತ ಟಿವಿ ಶೋ ಕ್ವಾಂಟಿಕೊದಲ್ಲಿ ಅಭಿನಯಿಸುತ್ತಿದ್ದಾರೆ.