ಚೆನ್ನೈ: ಅನಾರೋಗ್ಯದಿಂದ ಬಳಲುತ್ತಿದ್ದ ಪಂಚಭಾಷಾ ನಟಿ ಜ್ಯೋತಿಲಕ್ಷ್ಮಿ ಅವರು ವಿಧಿವಶರಾಗಿದ್ದಾರೆ.
63 ವರ್ಷದ ಜ್ಯೋತಿಲಕ್ಷ್ಮಿ ಅವರು ಇಂದು ಬೆಳಗ್ಗೆ ಚೆನ್ನೈನ ತಮ್ಮ ನಿವಾಸದಲ್ಲಿ ನಿಧನರಾಗಿದ್ದಾರೆ. ಜ್ಯೋತಿಲಕ್ಷ್ಮಿ ಅವರು 300ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ.
ಕನ್ನಡ, ತೆಲುಗು, ಹಿಂದಿ, ತಮಿಳು ಚಿತ್ರಗಳಲ್ಲಿ ನೂರಾರು ಐಟಂ ಹಾಡುಗಳಿಗೆ ಕುಣಿದಿದ್ದರು. ಕನ್ನಡದಲ್ಲಿ ಕುಳ್ಳ ಏಜೆಂಟ್ 000, ಬೆಂಗಳೂರು ಮೇಲೆ, ಪ್ರತಿಧ್ವನಿ, ಚೆಲ್ಲಿದ ರಕ್ತ, ರಕ್ತ ಕಣ್ಣೀರು, ವಿಜಯದಶಮಿ ಚಿತ್ರಗಳಲ್ಲಿ ಜ್ಯೋತಿಲಕ್ಷ್ಮಿ ನಟಿಸಿದ್ದರು.
ಜ್ಯೋತಿಲಕ್ಷ್ಮಿ ನಿಧನಕ್ಕೆ ಚಿತ್ರರಂಗ ಕಂಬನಿ ಮಿಡಿದಿದೆ. ಇಂದು ಸಂಜೆ ಜ್ಯೋತಿಲಕ್ಷ್ಮಿ ಅವರ ಅಂತ್ಯಸಂಸ್ಕಾರ ನಡೆಯಲಿದೆ.