ಬೆಂಗಳೂರು: 'ಆಕ್ಷನ್ ಪ್ರಿನ್ಸ್' ಧ್ರುವ್ ಸರ್ಜಾ ಅವರಿಗೆ ಆಕ್ಷನ್ ಸಿನೆಮಾಗಳು ಕೈಬೀಸಿ ಕರೆಯುತ್ತವೆ. ಈಗ ಅವರ ನೂತನ ಸಿನೆಮಾದ ಹೆಸರು 'ಜಬರದಸ್ತ್'. ಈ ಸಿನೆಮಾದ ತರಬೇತಿಗಾಗಿ ಹಾಲಿವುಡ್ ಆಕ್ಷನ್ ನಿರ್ದೇಶಕನ ಮೊರೆ ಹೋಗಲಿದ್ದಾರೆ ಎಂದಿವೆ ಮೂಲಗಳು.
"ಧ್ರುವ್ ಸರ್ಜಾ ಅವರಿಗೆ ಸಾಕಷ್ಟು ಸ್ಟಂಟ್ ಪ್ರತಿಭೆ ಇರುವುದರಲ್ಲಿ ಎರಡು ಮಾತಿಲ್ಲ ಆದರೆ ಹಾಲಿವುಡ್ ಆಕ್ಷನ್ ನಿರ್ದೇಶಕರ ಬಳಿಯಲ್ಲಿ ಪಡೆಯುವ ತರಬೇತಿ ಇನ್ನು ಹೆಚ್ಚಿನ ಪರಿಣಿತಿಗೆ ಸಹಕಾರಿಯಾಗಬಲ್ಲುದು" ಎನ್ನುವ ಮೂಲಗಳು "ಸಾಮಾನ್ಯವಾಗಿ ಆಕ್ಷನ್ ಸಿನಿಮಾಗಳನ್ನೇ ಹೆಚ್ಚು ಮಾಡುವ ಈ ಹೀರೋಗೆ ಇದು ಸಹಾಯ ಮಾಡುತ್ತದೆ" ಎನ್ನುತ್ತಾರೆ.
ಮೊದಲಿನ ಘೋಷಣೆಯಂತೆ ನಿರ್ದೇಶಕ ನಂದಕಿಶೋರ್ ಮತ್ತು ನಟ ಧ್ರುವ್ ಸರ್ಜಾ ತೆಲುಗಿನ ರೋಮ್ಯಾಂಟಿಕ್-ಆಕ್ಷನ್-ಕಾಮಿಡಿ ಚಿತ್ರ 'ಕಂದಿರೀಗ'ದ ರಿಮೇಕ್ ಮಾಡಬೇಕಿತ್ತು. ಆದರೆ ಈಗ ಆ ಯೋಜನೆಯನ್ನು ನಿಲ್ಲಿಸಿ ಎರಡು ವರ್ಷಗಳ ನಂತರ ಸ್ವತಂತ್ರ ಸ್ಕ್ರಿಪ್ಟ್ ನಿರ್ದೇಶಿಸಲು ಮುಂದಾಗಿದ್ದಾರೆ. 'ಜಬರದಸ್ತ್' ಸಿನೆಮಾವನ್ನು ಗಂಗಾಧರ್ ನಿರ್ಮಿಸುತ್ತಿದ್ದಾರೆ.
ನಂದ ಕಿಶೋರ್ ಸದ್ಯಕ್ಕೆ 'ಟೈಗರ್' ಮತ್ತು 'ಮುಕುಂದ ಮುರಾರಿ' ಸಿನೆಮಾಗಳು ಚಿತ್ರೀಕರಣ ನಂತರದ ಕೆಲಸಗಳಲ್ಲಿ ನಿರತರಾಗಿದ್ದು ಜೊತೆಗೆ ಮನೋರಂಜನ್ ಅವರ 'ವಿ ಐ ಪಿ' ಸಿನೆಮಾ ಚಿತ್ರೀಕರಣದಲ್ಲಿಯೂ ತೊಡಗಿಸಿಕೊಂಡಿದ್ದಾರೆ. ಧ್ರುವ್ ಅವರು ಸದ್ಯಕ್ಕೆ 'ಭರ್ಜರಿ' ಚಿತ್ರೀಕರಣದಲ್ಲಿ ನಿರತರಾಗಿದ್ದು, ಇಬ್ಬರೂ 'ಜಬರದಸ್ತ್' ಸಿನೆಮಾವನ್ನು ಸೆಪ್ಟೆಂಬರ್ ನಲ್ಲಿ ಪ್ರಾರಂಭಿಸಲಿದ್ದಾರೆ.