ತೆಲುಗು ಮೆಗಾಸ್ಟಾರ್ ಚಿರಂಜೀವಿ
ಚೆನ್ನೈ: ಸೋಮವಾರಕ್ಕೆ 61 ನೇ ವರ್ಷಕ್ಕೆ ಕಾಲಿಟ್ಟ ತೆಲುಗು ಮೆಗಾಸ್ಟಾರ್ ಚಿರಂಜೀವಿ ಅವರಿಗೆ ಅವರ ಮುಂದಿನ ಚಿತ್ರದ ಚಿತ್ರತಂಡ ವಿಶೇಷ ಟೀಸರ್ ಉಡುಗೊರೆ ನೀಡಿದೆ. ಈ ವಿಡಿಯೋದಲ್ಲಿ ಸಿನೆಮಾದ ತಾಂತ್ರಿಕ ತಂಡವನ್ನು ವೀಕ್ಷಕರಿಗೆ ಪರಿಚಯಿಸಲಾಗಿದೆ.
ಈ 52 ಸೆಕಂಡ್ ಗಳ ಟೀಸರ್ ನಲ್ಲಿ ಲಕ್ಷಾಂತರ ಹೃದಯಗಳನ್ನು ಗೆದ್ದ ಮತ್ತು ತೆಲುಗು ಸಿನೆಮಾ ರಂಗದ ಒಮ್ಮತದ ರಾಜ ಎಂದು ಚಿರಂಜೀವಿಯವರನ್ನು ಬಿಂಬಿಸಲಾಗಿದೆ.
ಟೀಸರ್ ನ ಕೊನೆಯಲ್ಲಿ 'ಬಾಸ್ ಈಸ್ ಬ್ಯಾಕ್' (ಬಾಸ್ ಹಿಂದಿರುಗಿದ್ದಾರೆ) ಎಂದು ಹೇಳಲಾಗಿದ್ದು, #ಬಾಸ್ ಈಸ್ ಬ್ಯಾಕ್ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡಿಂಗ್ ಆಗಿದೆ.
ನಟ ಚಿರಂಜೀವಿ ತಮ್ಮ ವೃತ್ತಿ ಜೀವನದ 150 ನೆಯ ಚಿತ್ರ 'ಖೈದಿ ನಂ 150' ಚಿತ್ರೀಕರಣದಲ್ಲಿ ನಿರತರಾಗಿದ್ದಾರೆ. ಇದು ತಮಿಳು ಸಿನೆಮಾ 'ಕತ್ತಿ' ಯ ರಿಮೇಕ್.
ಕಾಜಲ್ ಅಗರವಾಲ್ ನಾಯಕ ನಟಿಯಾಗಿದ್ದು, ವಿವಿ ವಿನಾಯಕ್ ನಿರ್ದೇಶನದ ಈ ಚಿತ್ರ ಮುಂದಿನ ವರ್ಷ ಸಂಕ್ರಾಂತಿಗೆ ತೆರೆ ಕಾಣಲಿದೆ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos