ಬೆಂಗಳೂರು: ಗಣೇಶ್ ನಾಯಕ ನಟನಾಗಿರುವ, ಶಶಾಂಕ್ ನಿರ್ದೇಶನದ ಮುಂಗಾರು ಮಳೆ-೨ರ ಚಿತ್ರೀಕರಣ ಭರದಿಂದ ಸಾಗುತ್ತಿದ್ದು ಶೀಘ್ರದಲ್ಲೇ ಸಂಪೂರ್ಣಗೊಳ್ಳಲಿದೆ. ನೇಹಾ ಶೆಟ್ಟಿ ಎಂಬ ಚೆಲುವೆ ಈ ಚಿತ್ರದ ಮೂಲಕ ನಾಯಕನಟಿಯಾಗಿ ಪಾದಾರ್ಪಣೆ ಮಾಡುತ್ತಿರುವುದು ಈಗ ಹಳೆಯ ಸುದ್ದಿ. ಆದರೆ ಇತ್ತೀಚಿನ ಸುದ್ದಿಯ ಪ್ರಕಾರ ಸಿನೆಮಾಗೆ ಎರಡನೆ ನಾಯಕ ನಟಿಯಾಗಿ ಐಂದ್ರಿತಾ ರೇ ಸೇರ್ಪಡೆಯಾಗಿದ್ದಾರೆ.
ಸುಮಾರು ತಿಂಗಳುಗಳಿಂದ ಯಾವುದೇ ಅವಕಾಶಗಳಿಲ್ಲದೇ ಸ್ಯಾಂಡಲ್ವುಡ್ ನಿಂದ ಕಾಣೆಯಾಗಿದ್ದ ಈ ನಟಿಗೆ ಈ ಸಿನೆಮಾ ಮತ್ತೆ ಕೈಹಿಡಿಯಲಿದೆಯೇ ಎಂಬ ಗುಸು ಗುಸು ಗಾಂಧಿನಗರದಲ್ಲಿದೆ. ಕೊನೆಯ ಹಂತದಲ್ಲಿ ಚಿತ್ರತಂಡಕ್ಕೆ ಸೇರ್ಪಡೆಯಾಗಿದ್ದರು ಐಂದ್ರಿತಾಗೆ ಪ್ರಮುಖ ಪಾತ್ರವಿದೆಯಂತೆ.
ತಾವೇ ಚಿತ್ರಕಥೆ ಬರೆದು ಶಶಾಂಕ್ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಅರ್ಜುನ್ ಜನ್ಯ ಸಂಗೀತ ನಿರ್ದೇಶಕ, ಶೇಖರ್ ಚಂದ್ರು ಸಿನೆಮ್ಯಾಟೋಗ್ರಾಫರ್. ರವಿಚಂದ್ರನ್ ಈ ಸಿನೆಮಾದಲ್ಲಿ ಗಣೇಶ್ ಅವರ ತಂದೆಯ ಪಾತ್ರ ನಿರ್ವಹಿಸಲಿದ್ದಾರೆ.