ಬೆಂಗಳೂರು: ನಟ ಯಶ್ ಹಾಗೂ ನಟಿ ರಾಧಿಕಾ ಪಂಡಿತ್ ವಿವಾಹ ಸಮಾರಂಭ ಡಿಸೆಂಬರ್ 10 ಮತ್ತು 11 ರಂದು ಬೆಂಗಳೂರಿನ ಅರಮನೆ ಮೈದಾನದಲ್ಲಿ ನಡೆಯಲಿದೆ.

ತಮ್ಮ ಮದುವೆಗಾಗಿ ಯಶ್ ಎಲ್ಲರಿಗೂ ಆಮಂತ್ರಣ ಪತ್ರಿಕೆ ಹಂಚುತ್ತಿದ್ದಾರೆ, ಇದರಲ್ಲಿ ವಿಶೇಷ ಏನು ಎಂದು ಕೇಳಬೇಡಿ. ವಿವಾಹ ಆಮಂತ್ರಣ ಪತ್ರಿಕೆ ಜೊತೆಗೆ ಯಶ್ ಮಲ್ಲಿಗೆ ಗಿಡವೊಂದನ್ನು ನೀಡುತ್ತಿದ್ದಾರೆ.

ಆದಿ ಚುಂಚನಗಿರಿಯ ನಿರ್ಮಲಾನಂದನಾಥ ಸ್ವಾಮೀಜಿ ಅವರಿಗೆ ಮೊದಲ ಆಮಂತ್ರಣ ಪತ್ರಿಕೆ ನೀಡಿರುವ ಯಶ್, ರಾಜ್ ಕುಮಾರ್ ಕುಟುಂಬಕ್ಕೆ ಎರಡನೇ ಪತ್ರಿಕೆ ನೀಡಿದ್ದಾರೆ.

ಯಶೋಮಾರ್ಗ ಫೌಂಡಶನ್ ನಡೆಸುತ್ತಿರುವ ಯಶ್ ಹಲವು ಪರಿಸರ ಸ್ನೇಹಿ ಹಾಗೂ ಸಾಮಾಜಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದ್ದಾರೆ.

ತಮ್ಮ ವಿವಾಹ ಪತ್ರಿಕೆಗಾಗಿ ನಿರ್ದೇಶಕ ಯೋಗರಾಜ್ ಭಟ್ ಅವರ ಸಹಾಯ ಪಡೆದಿದ್ದಾರೆ. ಕೈ ಬರಹ ಹಾಗೂ ಹೆಬ್ಬೆರಳು ಸಹಿ ಆಮಂತ್ರಣ ಪತ್ರಿಕೆಯಲ್ಲಿದೆ. ಹೃದಯದ ಆಕಾರದಲ್ಲಿರುವ ಆಮಂತ್ರಣ ಪತ್ರಿಕೆಯಲ್ಲಿ ಶಿವ ಹಾಗೂ ಪಾರ್ವತಿ ಫೋಟೋ ಇದೆ.