ಬೆಂಗಳೂರು: ಮೂಲಗಳ ಪ್ರಕಾರ ಶಂಕ್ರೇ ಗೌಡ ತಮ್ಮ ಮುಂದಿನ ಯೋಜನೆಯನ್ನು ಏಪ್ರಿಲ್ ೧೪ ರಂದು ಘೋಷಿಸಲಿದ್ದಾರೆ ಮತ್ತು ಕೆಂಪೇಗೌಡ ೨ ಸಿನೆಮಾದಲ್ಲಿ ಅವರು ಕೋಮಲ್ ಕುಮಾರ್ ಅವರನ್ನು ನಾಯಕ ನಟರನ್ನಾಗಿ ಆಯ್ಕೆ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ.
ಹಾಸ್ಯನಟನಾಗಿದ್ದು ವೃತ್ತಿ ಜೀವನ ಪ್ರಾರಂಭಿಸಿ ನಂತರ ನಾಯಕನಟನಾಗಿ ಹೊರಹೊಮ್ಮಿದ ಕೋಮಲ್ ಕುಮಾರ್ ಅವರ ಕೊನೆಯ ಚಿತ್ರ 'ಡೀಲ್ ರಾಜ' ೨೦೧೬ ರಲ್ಲಿ ಬಿಡುಗಡೆಯಾಗಿತ್ತು. ನಂತರ ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಗಮನ ಹರಿಸಲು ಅವರು ಸ್ವಲ್ಪ ಸಮಯದವರೆಗೆ ವಿರಾಮ ತೆಗೆದುಕೊಂಡಿದ್ದರು. ಈಗ ವಿರಾಮದ ನಂತರ ಈ ದೊಡ್ಡ ಬಜೆಟ್ ಸಿನೆಮಾದ ಮೂಲಕ ಹಿಂದಿರುಗಲಿದ್ದಾರೆ ಎನ್ನಲಾಗಿದೆ.
ಈ ಸಿನೆಮಾದ ಹೆಚ್ಚಿನ ವಿವರಗಳು ಯೋಜನೆಗೆ ಚಾಲನೆ ನೀಡುವ ದಿನವೇ ತಿಳಿದುಬರಲಿದೆ ಎನ್ನಲಾಗಿದೆ.