ಬೆಂಗಳೂರು: ಐಪಿಎಲ್ ಜ್ವರದ ನಂತರ 'ಆಪರೇಷನ್ ಅಲಮೇಲಮ್ಮ ಸಿನೆಮಾದ ಪ್ರಚಾರ ಹಾಡೊಂದು ಬಿಡುಗಡೆಗೆ ಸಿದ್ಧವಾಗುತ್ತಿದೆ. ಸಿನೆಮಾದಲ್ಲಿ ಅನನ್ಯ ಟೀಚರ್ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಶ್ರದ್ಧಾ ಈ ಹಾಡಿನಲ್ಲಿ ಗ್ಲಾಮರಸ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ.

ಸುನಿ ನಿರ್ದೇಶನದ ಈ ಚಿತ್ರದಲ್ಲಿ ತರಕಾರಿ ಮಾರಾಟಗಾರನ ಪಾತ್ರ ಮಾಡಿರುವ ರಿಷಿ ಎದುರು ಶ್ರದ್ಧಾ ನಟಿಸುತ್ತಿದ್ದಾರೆ. ಸುನಿ ಗೀತರಚನೆ ಮಾಡಿರುವ ಈ ಹಾಡಿಗೆ ಹೆಜ್ಜೆ ಹಾಕಿರುವುದಕ್ಕೆ ಉತ್ಸುಕರಾಗಿರುವ ಶ್ರದ್ಧಾ "ಈ ಪ್ರಚಾರ ಹಾಡು, ಅನನ್ಯ ಟೀಚರ್ ಅವರ ಸಾಂಪ್ರದಾಯಿಕ ಇಮೇಜ್ ಅನ್ನು ಕೆಡವಲಿದೆ. ಇದು ಹಿಪ್ ಮತ್ತು ಫ್ರೀ ಶೈಲಿಯ ನೃತ್ಯ" ಎನ್ನುತ್ತಾರೆ ಶ್ರದ್ಧಾ. 

ಈಗ ಸಿನೆಮಾ ಬಿಡುಗಡೆಯ ಅಂತಿಮ ದಿನಾಂಕವನ್ನು ನಿಗದಿಪಡಿಸಿದ ಮೇಲೆ ಈ ಪ್ರಚಾರ ಹಾಡನ್ನು ಬಿಡುಗಡೆ ಮಾಡಲು ಚಿತ್ರತಂಡ ಸಿದ್ಧವಾಗಿದೆ. ಈ ಸಿನೆಮಾಗೆ ಅಭಿಷೇಕ್ ಕಾಸರ್ಗೋಡ್ ಛಾಯಾಗ್ರಹಣ ಮಾಡಿದ್ದಾರೆ.