'ಸೈರಾತ್' ಮರಾಠಿ ಅದ್ಭುತ ಎಂದ ಬಿಗ್ ಬಿ
ಮುಂಬೈ: ೨೦೧೬ ರ ಮರಾಠಿ ಬ್ಲಾಕ್ ಬಸ್ಟರ್ ಸಿನೆಮಾ 'ಸೈರಾತ್'ಗೆ ಹೊಸ ಅಭಿಮಾನಿ ಸ್ವಲ್ಪ ತಡವಾಗಿಯಾದರೂ ಸೇರ್ಪಡೆಯಾಗಿದ್ದಾರೆ. ಬಾಲಿವುಡ್ ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್ 'ಸೈರಾತ್' ಮರಾಠಿ ಅದ್ಭುತ ಎಂದು ಹಾಡಿ ಹೊಗಳಿದ್ದಾರೆ.
"ಒಹ್..! ಮತ್ತು 'ಸೈರಾತ್' ಸಿನೆಮಾ ನೋಡಿದೆ. ಮರಾಠಿ ಅದ್ಭುತ... ಎಂತಹ ಅದ್ಭುತ ಸಿನಿಮೀಯ ಅನುಭವ... ಅಬ್ಬಾ ಅತ್ಯುತ್ತಮ ಚಿತ್ರ" ಎಂದು ಬುಧವಾರ ಅಮಿತಾಬ್ ಟ್ವೀಟ್ ಮಾಡಿದ್ದಾರೆ.
ನಾಗರಾಜ್ ಮಂಜುಳೆ ನಿರ್ದೇಶನ ಈ ಚಿತ್ರ ಎರಡು ಸಮುದಾಯದ-ವರ್ಗದ ಜೋಡಿಯ ಪ್ರೀತಿ ಮತ್ತು ಮದುವೆಗೆ ಒದಗಿ ಬರುವ ಕಷ್ಟಗಳನ್ನು ಚಿತ್ರಿಸಿದೆ. ಮರಾಠಿ ಸಿನೆಮಾಗಳಲ್ಲಿ ಅತಿ ಹೆಚ್ಚು ಗಳಿಕೆಯನ್ನು ಕಂಡ ಸಿನಿಮಾಗಲ್ಲಿ ಒಂದು 'ಸೈರಾತ್'.
ಕಳೆದ ವರ್ಷ ಏಪ್ರಿಲ್ ೨೯ ಬಿಡುಗಡೆಯಾದ 'ಸೈರಾತ್', 'ಫಂಡ್ರಿ' ನಂತರ ಮಂಜುಳೆ ಅವರ ಎರಡನೇ ಚಿತ್ರವಾಗಿತ್ತು. ೬೧ ನೇ ರಾಷ್ಟ್ರೀಯ ಸಿನೆಮಾ ಪ್ರಶಸ್ತಿಗಳಲ್ಲಿ ಮಂಜುಳೆ ಅತ್ಯುತ್ತಮ ನಿರ್ದೇಶನಕ್ಕಾಗಿ ಇಂದಿರಾ ಗಾಂಧಿ ಪ್ರಶಸ್ತಿ ಕೂಡ ಪಡೆದಿದ್ದಾರೆ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos