ಬೆಂಗಳೂರು: 'ಗೋಧಿ ಬಣ್ಣ ಸಾಧಾರಣ ಮೈಕಟ್ಟು' ಸಿನೆಮಾ ನಿರ್ದೇಶನದ ಮೂಲಕ ಯಶಸ್ಸಿನ ಉತ್ತುಂಗಕ್ಕೆ ಏರಿದ ನಿರ್ದೇಶಕ ಹೇಮಂತ್ ಎಂ ರಾವ್, ಕಳೆದ ವಾರ ತಮ್ಮ ನಿರ್ದೇಶನದ ಮುಂದಿನ ಚಿತ್ರದ ಶೀರ್ಷಿಕೆ ಘೋಷಿಸಿ, ಪೋಸ್ಟರ್ ಒಂದನ್ನು ಪ್ರಕಟಿಸಿದ್ದರು. ಈಗ ಆ ಶೀರ್ಷಿಕೆಯನ್ನು ಬದಲಿಸಲು ಅವರು ಮುಂದಾಗಿದ್ದಾರೆ. 

ನಿರ್ದೇಶಕ ಈಗ ನಿರ್ಮಾಪಕ ಕಾರ್ತಿಕ್ ಗೌಡ ಅವರೊಂದಿಗೆ ಕೆಲಸ ಮಾಡುತ್ತಿದ್ದು, ಈ ಸಿನೆಮಾವನ್ನು ನಟ ಪುನೀತ್ ರಾಜಕುಮಾರ್ ಸಹನಿರ್ಮಿಸಲಿದ್ದಾರೆ. 

ಈ ವಿಷಯವನ್ನು ಧೃಢೀಕರಿಸಿರುವ ಹೇಮಂತ್ "'ಅರ್ಧ ಸತ್ಯ' ಶೀರ್ಷಿಕೆಯನ್ನು ಈಗಾಗಲೇ ಮತೊಬ್ಬರು ನೊಂದಾಯಿಸಿರುವುದನ್ನು ತಿಳಿದ ಮೇಲೆ ಶೀರ್ಷಿಕೆಯನ್ನು ಬದಲಿಸಲು ಚಿಂತಿಸಿದೆ. ಆದುದರಿಂದ ಶೀಘ್ರದಲ್ಲೇ ಹೊಸ ಶೀರ್ಷಿಕೆ ನಿಶ್ಚಯಿಸಲಿದ್ದೇನೆ" ಎನ್ನುತ್ತಾರೆ. 

"ಅಲ್ಲದೆ, ವಾಣಿಜ್ಯ ಮಂಡಳಿ ಈ ಶೀರ್ಷಿಕೆ ಬಳಸಲು ಅವಕಾಶ ನೀಡಿದ್ದರೂ, ಶೀರ್ಷಿಕೆಯ ಸಲುವಾಗಿ ವಿವಾದದಲ್ಲಿ ಸಿಕ್ಕಿಕೊಳ್ಳಲು ನನಗೆ ಇಷ್ಟವಿಲ್ಲ" ಎನ್ನುತ್ತಾರೆ ಅವರು. 

ಸ್ಕ್ರಿಪ್ಟ್ ಕೆಲವನ್ನು ಬಹುತೇಕ ಮುಗಿಸಿರುವ ಹೇಮಂತ್, ತಾರಾಗಣದ ಆಯ್ಕೆಯಲ್ಲಿ ನಿರತರಾಗಿದ್ದಾರೆ. ಮುಖ್ಯಪಾತ್ರದಲ್ಲಿ ಬಹುತೇಕ ಮನೀಶ್ ರಿಷಿ ನಟಿಸಲಿದ್ದಾರೆ ಎನ್ನಲಾಗಿದೆ.