ಮುಂಬೈ: ನ್ಯೂಯಾರ್ಕ್ ಮೂಲದ ಬಿಗ್ ಬೀಚ್ ಫಿಲಂಸ್ ನ ಹಾಲಿವುಡ್ ಸಿನೆಮಾ 'ಪಜಲ್'ನಲ್ಲಿ ನಟ ಇರ್ಫಾನ್ ಖಾನ್ ನಟಿಸಲಿದ್ದು ಯೋಜನೆಯ ಬಗ್ಗೆ ಉತ್ಸುಕರಾಗಿದ್ದಾರೆ. ಈ ಸಂಸ್ಥೆ ಈ ಹಿಂದೆ ಆಸ್ಕರ್ ವಿಜೇತ 'ಲಿಟಲ್ ಮಿಸ್ ಸನ್ ಶೈನ್' ನಿರ್ಮಿಸಿತ್ತು.
ಬಿಗ್ ಬೀಚ್ ಫಿಲಂಸ್ ನ ಸಹಯೋಗಿ ಮಾರ್ಕ್ ಟರ್ಟಲ್ಟಬ್ ಈ ಸಿನೆಮಾ ನಿರ್ದೇಶಿಸುತ್ತಿದ್ದಾರೆ. ಇದು ೨೦೧೦ರ ಅರ್ಜೆಂಟೈನಾದ ಸಿನೆಮಾ 'ರಾಂಪೆಕಾಬೇಜಾಸ್' ನ ಹಾಲಿವುಡ್ ಅವತಾರಿಣಿಕೆಯಾಗಲಿದೆ.
"'ಲಿಟಲ್ ಮಿಸ್ ಸನ್ ಶೈನ್' ನಂತರ ಸಿನೆಮಾದಲ್ಲಿದ್ದ ತಂಡದ ಜೊತೆಗೆ ಕೆಲಸ ಮಾಡಲು ಕಾತರದಿಂದಿದ್ದೇನೆ" ಎಂದು ಇರ್ಫಾನ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಈ ಹಿಂದೆ ಇರ್ಫಾನ್ ೨೦೧೬ರ ಹಾಲಿವುಡ್ ಸಿನೆಮಾ ರಾನ್ ಹೊವಾರ್ಡ್ ಅವರ 'ಇನ್ಫರ್ನೊ'ದಲ್ಲಿ ನಟಿಸಿದ್ದರು. ಈಗ ನಟಿ ಕೆಲ್ಲಿ ಮೇಕ್ಡೋನಾಲ್ಡ್ ಜೊತೆಗೆ ನಟಿಸಲಿರುವ ಈ ನೂತನ ಯೋಜನೆಯಲ್ಲಿ ಭಾಗಿಯಾಗಲು ಶೀಘ್ರದಲ್ಲೆ ನ್ಯೂಯಾರ್ಕ್ ಗೆ ತೆರಳಲಿದ್ದಾರೆ.