ಮುಂಬಯಿ: ಬಿಡುಗಡೆಯಾದ ದಿನದಿಂದ ಹಲವು ದಾಖಲೆಗಳನ್ನು ಮುರಿದು ದೇಶಾದ್ಯಂತ ಯಶಸ್ವಿ ಪ್ರದರ್ಶನ ಕಾಣುತ್ತಿರುವ ಬಾಹುಬಲಿ-2 ಸಿನಿಮಾ ಬಗ್ಗೆ ನಿರ್ದೇಶಕ ಅನಿಲ್ ಶರ್ಮಾ ಮಾತನಾಡಿದ್ದಾರೆ.

ಬಾಹುಬಲಿ-2 ಸಿನಿಮಾ ಇದುವರೆಗೂ ಯಾವುದೇ ಹೊಸ ದಾಖಲೆಗಳನ್ನು ಮಾಡಿಲ್ಲ ಎಂದು ಹೇಳಿದ್ದಾರೆ. ಗದಾರ್: ಏಕ್ ಪ್ರೇಮ್ ಕಥಾ, ಅಪ್ನೆ ಸೇರಿದಂತೆ ಹಲವು ಹಿಟಿ ಫಿಲ್ಮ್ ಗಳನ್ನು ನೀಡಿರುವ ಅನಿಲ್ ಶರ್ಮಾ, 1 ಸಾವಿರ ಕೋಟಿ ಗಳಿಕೆ ದೊಡ್ಡ ದಾಖಲೆಯಲ್ಲ, ಇದೊಂದು ಸಮಯ ಅಷ್ಟೆ ಎಂದು ಹೇಳಿದ್ದಾರೆ.

ಗದಾರ್: ಏಕ್ ಪ್ರೇಮ್ ಕಥಾ ಸಿನಿಮಾ ಬಿಡುಗೆಡಯಾದಾಗ 265 ಕೋಟಿ ರು ಹಣಗಳಿಸಿತ್ತು. ಆ ಮೊತ್ತವನ್ನು ಇಂದಿನ ದರಕ್ಕೆ ಲೆಕ್ಕಾಚಾರ ಮಾಡಿದರೇ 5 ಸಾವಿರ ಕೋಟಿ ರು ಆಗುತ್ತದೆ ಎಂದು ಅಭಿಪ್ರಾಯ ಪಟ್ಟಿದ್ದಾರೆ. 

ಗದಾರ್ ಸಿನಿಮಾ 2001 ರಲ್ಲಿ ರಿಲೀಸ್ ಆಗಿತ್ತು, ಅಂದು ಟಿಕೆಟ್ ಬೆಲೆ 25 ರು ಮಾತ್ರ ಇತ್ತು. ಬಾಹುಬಲಿ -2 ಸಿನಿಮಾ 1.500 ಕೋಟಿ ಗಳಿಸಿರುವುದು ಯಾವುದೇ ಹೊಸ ದಾಖಲೆಯಲ್ಲ ಎಂದು ಹೇಳಿದ್ದಾರೆ. 

ತಮ್ಮ ಪುತ್ರ ಉತ್ಕರ್ಷ್ ಅಭಿನಯದ ಜೀನಿಯಸ್ ಸಿನಿಮಾದ ಮೂಹೂರ್ಥ ಸಮಾರಂಭದಲ್ಲಿ ಅನಿಲ್ ಶರ್ಮಾ ಮಾಧ್ಯಮಗಳಿಗೆ ತಿಳಿಸಿದರು.