ಸ್ಯಾಂಡಲ್ ವುಡ್ ನ ಖ್ಯಾತನಾಮರು "ವಾಚ್ ಇಟ್ ಔಟ್ ಆನ್ ನವೆಂಬರ್ 7" ಎಂದಷ್ಟೇ ಹೇಳುತ್ತಿರುವ 5 ಸೆಕೆಂಡ್ ಗಳ ಟೀಸರ್ ಇಂಟರ್ ನೆಟ್ ನಲ್ಲಿ ಸಂಚಲನ ಮೂಡಿಸಿದೆ. 

ಅಂಬರೀಷ್, ಸುಮಲತಾ, ದರ್ಶನ್, ಅರ್ಜುನ್ ಸರ್ಜಾ, ಐಶ್ವರ್ಯ ಅರ್ಜುನ್, ದೃವ ಸರ್ಜಾ, ಚಿರಂಜೀವಿ ಸರ್ಜಾ ಸೇರಿದಂತೆ ಸ್ಯಾಂಡಲ್ ವುಡ್ ನ ಹಲವು ಗಣ್ಯರು 5 ಸೆಕೆಂಡ್ ಗಳ ಟೀಸರ್ ನಲ್ಲಿದ್ದಾರೆ. ಟೀಸರ್ ನಲ್ಲಿ ಕೇವಲ ದಿನಾಂಕದ ಬಗ್ಗೆಯಷ್ಟೇ ಮಾತನಾಡಿರುವುದು ಕುತೂಹಲ ಕೆರಳಿಸಿದ್ದು ಚಲನಚಿತ್ರ ಪ್ರಿಯರು ನ.07 ಕ್ಕಾಗಿ ಕಾಯುತ್ತಿದ್ದಾರೆ. 

ಚಿತ್ರರಂಗವೂ ಸಹ ಈ ರಹಸ್ಯವನ್ನು ಬಿಟ್ಟುಕೊಟ್ಟಿಲ್ಲ, ಆದರೆ ಸಿಟಿ ಎಕ್ಸ್ ಪ್ರೆಸ್ ಗೆ ಲಭ್ಯವಾಗಿರುವ ಮಾಹಿತಿ ಪ್ರಕಾರ ನ.07 ರಂದು ಅರ್ಜುನ್ ಸರ್ಜಾ ನಟನೆಯ ಬಹುನಿರೀಕ್ಷಿತ ಪ್ರೇಮ ಬರಹ ಟೀಸರ್ ಬಿಡುಗಡೆಯಾಗಲಿದೆ. ಅರ್ಜುನ್ ಸರ್ಜಾ ನಟನೆಯ ಪ್ರೇಮ ಬರಹ, ಕೋಟಿ ತರಹ ಹಾಡಿನ ಸಾಲು ಈ ಚಿತ್ರದ ಶೀರ್ಷಿಕೆಯಾಗಿದ್ದು, ಅರ್ಜುನ್ ಸರ್ಜಾ ಪುತ್ರಿ ಐಶ್ವರ್ಯ ಈ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಡುತ್ತಿರುವುದರಿಂದ ಈ ಚಿತ್ರ ಮತ್ತಷ್ಟು ವಿಶೇಷವೆನಿಸಿದೆ. 

ತಮಿಳಿನಲ್ಲೂ ಚಿತ್ರ ನಿರ್ಮಾಣವಾಗುತ್ತಿದ್ದು, ಅರ್ಜುನ್ ಸರ್ಜಾ ಚಿತ್ರಕಥೆ ರಚಿಸಿ, ನಿರ್ಮಾಣ ಮಾಡುತ್ತಿದ್ದಾರೆ. ಸುಹಾಸಿನಿ, ಸಾಧುಕೋಕಿಲಾ, ರಂಗಾಯಣ ರಘು ನಟಿಸಿದ್ದಾರೆ.