ನವದೆಹಲಿ: ಬಾಹುಬಲಿ ಖ್ಯಾತಿಯ ಪ್ರಭಾಸ್ ಅಭಿನಯದ 2011 ರಲ್ಲಿ ಬಿಡುಗಡೆಯಾದ ಮಿ. ಪರ್ಫೆಕ್ಟ್ ಚಿತ್ರಕ್ಕೆ ಸಂಕಷ್ಟ ಎದುರಾಗಿದೆ.

ಪ್ರಭಾಸ್, ಕಾಜಲ್ ಅಗರ್ ವಾಲ್ ಮತ್ತು ತಾಪ್ಸಿ ಪನ್ನು ನಟನೆಯ ಈ ಸಿನಿಮಾವನ್ನು ದಶರಥ್ ನಿರ್ದೇಶಿಸಿದ್ದರು.ಈ ಚಿತ್ರದ ನಿರ್ಮಾಪಕ ದಿಲ್ ರಾಜು ವಿರುದ್ಧ ಕೃತಿ ಚೌರ್ಯ ಆರೋಪ ಕೇಳಿ ಬಂದಿದೆ.

ಕಾದಂಬರಿಕಾರ್ತಿ ಶ್ಯಾಮಲಾರಾಣಿ 2010 ರಲ್ಲಿ ತಾವು ಬರೆದಿರುವ ನಾ ಮನಸು ನೀನು ಕೋರೆ ಎಂಬ ಕಥೆಗೆ ಹೋಲಿಕೆಯಿದೆ ಎಂದು ಆರೋಪಿಸಿದ್ದಾರೆ. 

2011ರಲ್ಲಿ ಬಿಡುಗಡೆಯಾಗಿರು ಮಿ. ಪರ್ಫೆಕ್ಟ್  ನಿರ್ದೇಶಕ ಮತ್ತು ನಿರ್ಮಾಪಕರ ವಿರುದ್ಧ ರಾಣಿ ದೂರು ದಾಖಲಿಸಿದ್ದಾರೆ. ಈ ಚಿತ್ರಕ್ಕೆ ಕಥೆಯನ್ನು ಕೆ.ಎಸ್ ರವೀಂದ್ರ ಅಕಾ ಬಾಬಿ ನೀಡಿದ್ದಾರೆ ಎಂದು ಮಾಧ್ಯಮಗಳಲ್ಲಿ ವರದಿಯಾಗಿದೆ. ಇನ್ನೂ ತನಿಖೆಯ ಭಾಗವಾಗಿ ಕಾದಂಬರಿ ಮತ್ತು ಸಿನಿಮಾನನ್ನು ಹೋಲಿಕೆ ಮಾಡಿ ನೋಡಲಾಗುತ್ತದೆ ಎಂದು ಮಾಧಾಪುರ ಡಿಸಿಪಿ ವಿಶ್ವ ಪ್ರಸಾದ್ ಹೇಳಿದ್ದಾರೆ.