ಬೆಂಗಳೂರು: ಈ ತಿಂಗಳು ಕನ್ನಡ ಚಿತ್ರಪ್ರೇಮಿಗಳಿಗೆ ಸುಗ್ಗಿಯ ಕಾಲ. ಇದೇ ವಾರದಲ್ಲಿ ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಆರೆಂಜ್, ಧನಂಜಯ್ ನಟನೆಯ ಭೈರವ ಗೀತಾ ಹಾಗೂ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಬಹುನಿರೀಕ್ಷಿತ ಕೆಜಿಎಫ್ ಚಿತ್ರ ಬಿಡುಗಡೆಯಾಗಲಿದೆ.
ಡಿಸೆಂಬರ್ 21ಕ್ಕೆ ಕೆಜಿಎಫ್ ಬಿಡುಗಡೆಯಾದ್ದರೆ ವಿನಯ್ ರಾಜ್ ಕುಮಾರ್ ಅಭಿನಯದ ಅನಂತು v/s ನುಸ್ರತ್ ಡಿಸೆಂಬರ್ 28ಕ್ಕೆ ಬಿಡುಗಡೆಯಾಗಲಿದೆ.
ಮಾಣಿಕ್ಯ ಪ್ರೋಢಕ್ಷನ್ ಅಡಿಯಲ್ಲಿ ಸುಧೀರ್ ಶಾನ್ ಬೋಗೆ ನಿರ್ದೇಶಿಸಿರುವ ಈ ಚಿತ್ರ ಡಿಸೆಂಬರ್ 28 ರಂದು ಬಿಡುಗಡೆಯಾಗಲಿದೆ. ಸದ್ಯದಲ್ಲೇ ಚಿತ್ರ ಬಿಡುಗಡೆಯ ಅಧಿಕೃತ ದಿನಾಂಕ ಪ್ರಕಟವಾಗಲಿದೆ.
ವಕೀಲ ಅನಂತು ಹಾಗೂ ಜಡ್ಜ್ ನಸ್ರುತ್ ನಡುವಿನ ಫ್ರೇಮ ಕಥಾ ಹಂದರ ಹೊಂದಿರುವ ಈ ಚಿತ್ರದಲ್ಲಿ ವಿನಯ್ ಕುಮಾರ್ ಮೊದಲಗಿಂತಲೂ ಭಿನ್ನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ರವಿಶಂಕರ್, ಗುರು ಪ್ರಸಾದ್, ಹಾಗೂ ಭಗವಾನ್ ಮತ್ತಿತರರ ತಾರಾಗಣವಿದೆ.
ಈ ಚಿತ್ರಕ್ಕೆ ಅಭಿಷೇಕ್ ಕಾಸರಗೋಡು ಅವರ ಛಾಯಾಗ್ರಾಹಣವಿದ್ದು, ಸುನಾದ್ ಗೌತಮ್ ಸಾಹಿತ್ಯ ಸಂಯೋಜಿಸಿದ್ದಾರೆ.