ನವದೆಹಲಿ; ಟ್ರೇಲರ್ ನಿಂದ ಈಗಾಗಲೇ ವೀಕ್ಷಕರ ಮನಗೆದ್ದಿರುವ 'ಸಾಹೇಬ್ ಬೀವಿ  ಗ್ಯಾಂಗ್'ಸ್ಟರ್ 3' ಚಿತ್ರದ ಪೋಸ್ಟರ್ ವೊಂದರನ್ನು ನಟ ಸಂಜಯ್ ದತ್ ಅವರು ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ ಹಂಚಿಕೊಂಡಿದ್ದಾರೆ. 

ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ ಪೋಸ್ಟರ್ ಅನ್ನು ಹಂಚಿಕೊಂಡಿರುವ ಸಂಜಯ್ ದತ್ ಅವರು 'ಇಸ್ ಬಾರ್ ಮೇ ಹೇ ಔರ್ ಝ್ಯಾದಾ ಖತ್ರಾ ಔರ್ ಧೂಮ್'! ಪೇಶ್ ಹೇ ಏಕ್ ಔರ್ #SBG3Poster?. ಎಂದು ಹೇಳಿದ್ದಾರೆ. ಅಲ್ಲದೆ, ಜು.27 ರಂದು ಎಲ್ಲಾ ಚಿತ್ರಮಂದಿರಗಳಲ್ಲೂ ಪ್ರದರ್ಶನಗೊಳ್ಳಲಿದೆ ಎಂದು ಹೇಳಿದ್ದಾರೆ.

2011ರಲ್ಲಿ ಸಾಹೇಬ್ ಬೀವಿ ಗ್ಯಾಂಗ್ ಸ್ಟರ್ ಚಿತ್ರ ಬಿಡುಗಡೆಯಾಗಿತ್ತು. ಈ ಚಿತ್ರದಲ್ಲಿ ರಣ್ದೀಪ್ ಹೂಡ ಮುಖ್ಯ ಪಾತ್ರವನ್ನು ನಿರ್ವಹಿಸಿದ್ದರು. 2013ರಲ್ಲಿ ಸಾಹೇಬ್ ಬೀವಿ ಗ್ಯಾಂಗ್ ಸ್ಟರ್ ರಿಟರ್ನ್ಸ್ ಸಿನಿಮಾ ಬಿಡುಗಡೆಯಾಗಿತ್ತು. ಈ ಚಿತ್ರದಲ್ಲಿ ಇರ್ಫಾನ್ ಖಾನ್ ನಾಯಕರಾಗಿದ್ದರು. ಇದೀಗ ಮೂರನೇ ಭಾಗ ಸಿದ್ಧವಾಗಿದ್ದು, ಚಿತ್ರದಲ್ಲಿ ಸಂಜಯ್ ದತ್ ಕಾಣಿಸಿಕೊಂಡಿದ್ದಾರೆ. 

ಸಾಹೇಬ್ ಬೀವಿ ಗ್ಯಾಂಗಸ್ಟರ್ 3 ಚಿತ್ರದಲ್ಲಿ ಸಂಜಯ್ ದತ್ ಅವರು ಗ್ಯಾಂಗ್'ಸ್ಟರ್ ಪಾತ್ರವನ್ನು ನಿರ್ವಹಿಸುತ್ತಿದ್ದು, ಚಿತ್ರವನ್ನು ತಿಗ್ಮಾನ್ಷು ದುಲಿಯಾ ಅವರು ನಿರ್ದೇಶನ ಮಾಡುತ್ತಿದ್ದಾರೆ.